Jeremias 16 - Portuguese Creole Bible, Guinea-Bissau

Ordis ku SIÑOR da Jeremias

1SIÑOR bin papia ku mi, i falan:

2“Ka bu kasa, nin ka bu padi fijus ne kau.

3Asin ku SIÑOR fala aserka di fijus macu ku femia ku padidu ne kau, aserka di se mames ku papes ku padi elis ne tera:

4E na muri di duensa mau; jinti ka na coraKap 7.33; 25.33 elis, nin e ka na nteradu, ma e na sedu suma strumu na con. Spada ku fomi na kaba ku elis; se difuntus na sedu kumida pa kacus ku limarias di matu.

5“Ami, SIÑOR, N fala: Ka bu yentra na kasa di cur, nin ka bu miskiñaEz 24.17,22-23 pa elis, ku fadi pa bu ten pena delis, pabia N tira ña pas de pobu, ku ña bondadi ku miserikordia.

6Rikus ku koitadis na muri ne tera; e ka na nteradu; ningin ka na cora elis, nin laña kurpuSir 19.28 nin rapa kabelu pa elis.

7Ningin ka na da kumida pa kil ku sta na cur, nin e ka na dadu di bibi pa konsolaDit 31.6-7 elis pabia di mortu, nin si i di pape o mame.

8“Ka bu yentra na kasa di festa pa sinta ku elis pa kume, pa bibi,

9pabia asin ku ami, SIÑOR ku ten tudu puder, Deus di Israel, N fala: Ne lugar, na bo tempu, dianti di bo uju, N na kaba ku baruju di kontentamentuIs 24.7-8 ku pas, ku kantiga di noivu ku noiva.

10“Ora ku bu konta pobu tudu e palabra, e na puntau: ‘Ke ku mandaKap 5.19 SIÑOR na ameasanu ku tudu e garandi mal? Kal mal ku no fasi? Kal pekadu ku no fasi kontra SIÑOR no Deus?’

11Bu ta ruspundi elis kuma SIÑOR fala: ‘I pabia bo papesKap 22.8-9; Lei 29.24-26 disan, e bai tras di utru deusis, e sirbi elis, e mpina se dianti, ma ami, e disan, e ka obdisi ña lei.

12Abos tambi, bo fasi piorKap 7.26; 2 Tim 3.13 di ki bo papes, pabia kada un di bos na yanda konformi duresa di si korson mau; bo ka para sintidu pa obin.

13Asin N na tira bos fora de teraKap 15.14; 17.4; Lei 4.26-28 pa tera ku nin abos nin bo papes ka kunsi. La bo na sirbi utru deusis di dia ku di noti, pabia N ka na mostra bos fabur.’ ”

14SIÑOR fala: “Tempu na ciga ku nunka mas jinti ka na fala: ‘N jurmenta pa vida di SIÑOR ku tira fijus di Israel na tera diKap 23.7-8 Ejitu,’

15ma e na fala: ‘N jurmenta pa vida di SIÑOR ku tisi IsraelKap 3.18; 24.6; 30.3,10; 31.8; 32.37,44; 33.7 di tera di norti, ku tudu tera nunde ki pajiga elis nel.’ N na pui elis pa e riba pa tera ku N da se papes.”

16SIÑOR fala: “Gosi N na manda manga di piskadur ku na bin piskaAm 4.2; Ab 1.15 elis. Dipus N na manda manga di montiadur ku na bin montia elis riba di montis pikininu ku garandi, te na kobas di pedras.

17Ña ujuKap 32.19; Jo 34.21; Dit 5.21; 15.3 sta riba di tudu se kamiñus. Ningin ka pudi sukundi di mi, nin pa kubri si pekadu pa N ka ojal.

18N na kastiga elis dus biasKap 17.18 pa se maldadi ku pekadu, pabia e kontamina ña tera ku se idulus nujenti ku ka tene vida, e inci tera di ña yardansa ku kusas nujenti.”

Jeremias pui si fiansa na Deus

19O SIÑOR, ña forsa, ña difesa, ña kau di sukundi na dia diKap 17.17; Sal 18.2; 46.1 foronta, nasons na bin pa bo di utru ladus di mundu, e na fala: “No papes yardaba son mintida, idulusKap 10.5; Is 44.9-10 ku ka bali, ku ka ten purbitu.

20Nta un omi pudi kumpuIs 37.19 deusis pa si kabesa? Sin, ma e ka na sedu deusis!”

21SIÑOR fala: “N na nsina elis. E bias N na pui elis kunsi ña forsa ku ña puder; e na sibi kuma ña nomiKap 33.2; Sai 15.3; Sal 83.18; Am 5.8 i SIÑOR.”