Jeremias Introduson - Portuguese Creole Bible, Guinea-Bissau

IntrodusonJeremias ta comadu anunsiadur di larmas. I vivi duranti tempu ku rei Josias kaba ku manga di idulatria, ma, dipus di mortu di rei, i kumsa un tempu tristi di disviu ku kastigu. Jeremias avisa jinti kuma, si e ka ripindi, jinti di Babilonia na ngaña elis, e dana con, e leba elis pa katiberasku. Mas tardi, suma ke nega ripindi, i konsija elis pa e fika bas di rei di Babilonia, pa e ka kabadu ku el. I parsi kuma Jeremias ta usa sempri un sekretariu (Baruk) pa skirbi si anunsius. Rei Jeoiakin kema utru parti (36.22-23), ma Baruk torna skirbil.Kusas de libru ka sta na ordi; kilis ku kontisi na tempu di rei Jeoiakin e jagasi ku kilis ku kontisi na renansa di Zedekias. Jeremias sufri manga di pirsigison. Dipus di kaida di Jerusalen, i lebadu pa Ejitu, ma i kontinua anunsia palabra di Deus.Jeremias konta kuma judeus na fika na Babilonia pa 70 anu (25.11-12; 29.10). Daniel, rapas ku lebadu pa Babilonia ku purmeru grupu di katibus, i lei ki palabra. Suma ki staba ja na Babilonia kuas 70 anu, i kumsa na buska Deus (Dan 9.2-3).