1 Koríntius 16 - Portuguese Creole Bible, Guinea-Bissau

Oferta pa krentis di Judeia(Rom 15.25-29; 2 Kor 8–9; Gal 2.10)

1Aserka di kusa di ofertaAt 11.29 pa juda krentis na Jerusalen, bo dibi di fasi suma ku N da ordi pa igreẑas na Galásia.

2Kada dia dumingu kada un di bos ta pui aparti si oferta, konformi i ngaña ki semana. Diñeru ta rakadadu pa, ora ku N bai, i ka ta pirsis lantanda oferta.

3Ora ku N ciga, N na da kartas pa jinti ku bo kuji, N manda elis pa e leba bo oferta pa Jerusalen.

4Si no oja kuma i bali pena pa N bai, e ta bai ku mi.

Planu di Paulu

5N na bai visita bosAt 19.21; 2 Kor 1.16 dipus di N pasa na Masedonia, pabia N ten ku pasa la.

6Talves N ta fika ku bos tok cuba kaba. Dipus, bo ta judanAt 15.3 na kamiñu pa kau ku N na bai.

7N ka misti fasi bos visita kurtu, ma N misti tarda ku bos, si Siñor seta.

8N na fika na Éfesu te Pentekostis,

9pabia porta yabriAt 14.27 pa no fasi tarbaju di garandi purbitu, ma i ten manga diAt 19.9,23-41 inimigu.

10Si TimótiuAt 16.1; 19.22 ciga la, bo fasil pa i sinti a vontadi na bo metadi, pabia i sta na tarbaju di Siñor suma mi.

11Ka ningin1 Tim 4.12 njutil. Bo judal pa i kontinua si bias ku pas, pa i pudi bin nunde mi, pabia N na peral ku ki utru ermons tambi.

12Aserka di no ermonAt 18.24 Apolu, N pidil ciu pa i bai ku ki ermons pa visita bos, ma i ka sinti kuma i dibi di bai inda. I na bin bai mas tardi, si i oja manera.

Manteñas di kabantada

13Bo tomaMat 24.42; Ef 6.10; Kol 1.11 sintidu, bo fika firmi na fe. Bo sedu forti suma omi balenti.

14Tudu ku bo na fasi, pa i sedu kuEf 4.15; 1 Ped 4.8 amor.

15Ermons, bo kunsi familia diKap 1.16 Stéfanas, kuma elis i purmeru konvertidus na Akaia. E ntrega se vida pa sirbi pobu di Deus. N roga bos

16pa bo suẑetaEb 13.17 koldadi ki jinti, ku tudu kilis ku na pui mon na tarbaju pa juda.

17N kontenti suma Stéfanas ku Fortunatu ku Akaiku bin, pabia e toma bo lugar ku na faltanba.

18E animan, suma ke anima bos. Jinti suma es, i bon paFil 2.29; 1 Tes 5.12-13 rikuñisi elis.

19Igreẑas di Asia manda bos manteña. ÁkilaAt 18.2; Rom 16.3-5 ku Priska ku igreẑa ku ta junta na se kasa manda bos manteña di amor na Siñor.

20Tudu ermonsRom 16.16 manda bos manteña. Bo fala ŋutru manteña ku beẑu santu.

21Ku ña monKol 4.18; 2 Tes 3.17 propi N skirbi es: Manteña di Paulu.

22Si algin ka ama Siñor, pa i seduGal 1.8-9 maldisuadu.

Maranata! Siñor, bin!

23FaburRom 16.20 di Siñor Jesus ta sta ku bos.

24N manda ña amor pa bos tudu, na Kristu Jesus.