Salmus 44 - Portuguese Creole Bible, Guinea-Bissau

Un maskil pa ŝef di musika na metadi di fijus di Koré.

1O Deus, no obi ku no propi oreja,

no papes kontanu kusas ku bu fasiSai 12.26-27 na se tempu,

na dias di antigu.

2Ku bu mon bu serkaJos 24.11-13 nasons, bu kastiga elis,

bu firmanta no papes na tera, bu fasi elis kirsi.

3E ka ngaña tera ku se spada,

nin i ka forsa di se mon ku da elis vitoria;

ma i bu mon direita ku bu forsa, ku lus di bu rostu,

pabia bu kontenti ku elis.

4O Deus, aboKap 74.12 i ña Rei.

Da bu ordi, pa Jakó pudi tene vitoria.

5Ku bu ajuda no na ngaña no inimigus;

na bu nomi no na masa kilis ku lanta kontra nos.

6N ka fiansa na ña mansasa;

i ka ña spadaKap 33.16; Os 1.7 ku na salban,

7ma abo, bu salbanu di no inimigus;

kilis ku sta kontra nos, bu kubri elis ku borgoña.

8No na njataKap 34.2; Is 45.25; Jer 9.24 na Deus tudu ora;

no na ngaba bu nomi pa sempri.

Sela

9Ma gosi buKap 43.2; 60.1; 108.10-11 neganu, bu punu na borgoña;

bu ka ta sai ku no tropas.

10Bu punu no kuriLei 28.25 di inimigu;

kilis ku sta kontra nos e roba no rikesa.

11Bu ntreganu suma karnelKap 44.22 ku na matadu,

bu pajiganuLei 4.27; Ez 6.8 na metadi di nasons.

12Bu bindi bu pobuIs 52.3 kuas pa nada;

bu ka ngaña nada na se pres.

13Bu pui pa no visiñus njutinu;

kilis ku sta na no roda e ta ri, e fasinu trosa.

14Bu punu suma dituJer 24.9 na metadi di nasons;

e na balansa kabesa pa nos.

15Ña kunfuson sta sempri ña dianti;

ña rostu kubri ku borgoña

16pabia di palabras di kilis ku na koban, e fasin trosa,

tambi pabia di inimigu ku misti vinga.

17Es tudu bin riba di nos,

kontudu no ka diskisi di bo,

nin no ka seduba falsu pa bu kontratu.

18No korson ka riba tras,

nin no pe ka disvia di bu kamiñu,

19ma bu kebrantanu na kau di kacur brabu,

bu kubrinu ku sombra di mortu.

20Si kontra no diskisiba di nomi di no Deus,

o no para no mon pa un deus strañu,

21sertamenti Deus na1 Sam 16.7 sibilba,

suma i kunsi sigridus di korson.

22Pa amor di bo no sta na pirigu di mortu tudu dia;

no na parsintidu suma karnelKap 44.11; Is 53.7; Rom 8.36 ku na bai matadu.

23Disperta,Kap 35.23 SIÑOR! Ke ku manda bu na durmi?

Korda! Ka bu neganuKap 77.7 pa sempri.

24Ke ku manda bu na sukundiJo 13.24 bu rostu,

bu diskisi di no kasabi ku foronta?

25No sta batidu te na reia;

no kurpu dita na con.

26Lanta pa sakuranu;

kaplintinu pabia di bu bondadi.