1 Reis 12 - Portuguese Creole Bible, Guinea-Bissau

Israel lanta kontra Reoboan(2 Kron 10.1-19)

1Reoboan1 Kron 3.10; 2 Kron 13.7; Mat 1.7 bai pa Siken, pabia tudu Israel baiba ja la pa fasil rei.

2Jeroboan, fiju di Nebat, staba inda na Ejitu, manera ki kuriba di rei Salomon, i bai mora na Ejitu. I bin obi di juntamentu na Siken;

3jinti di Israel manda comal. El ku tudu jinti di Israel e bai papia ku Reoboan, e falal:

4“Bu pape kastiganu ku kargu pisadu. Gosi ja, bu ta rapati ki tarbaju kansadu ku ki kargu pisaduKap 4.7; 1 Sam 8.11-18 ku bu pape pui riba di nos. Asin no ta sirbiu.”

5Reoboan fala elis: “Bo bai pera tris dia, bo riba pa mi.” Asin jinti bai.

6Rei Reoboan bai konsulta ideia di garandisJo 12.12 ku ta konsijaba si pape Salomon duranti si vida, i punta elis: “Kuma ku bo na konsijan pa N ruspundi e pobu?”

7E falal: “Si bu seta sirbi e pobu, bu sedu se servu aos, bu ruspundi elisDit 15.1; Fil 2.5-11 ku bon palabras, elis sempri e ta sedu bu servus.”

8Ma Reoboan nega konsiju ku garandis dal, i bai konsulta ki jovens di si idadi ku seduba ja si konsijaduris.

9I punta elis: “Kuma ku bo na konsijan? Kuma ku no na ruspundi e pobu ku falan pa N rapati ki kargu pisadu ku ña pape pui riba delis?”

10Ki rapasis si kolegas falal: “Si bu na ruspundi ki pobu ku falau kuma bu pape pui elis kargu pisadu dimas, ma pa bu rapati ki kargu, bu ta fala elis: ‘Ña dedu pikininu i mas gros di ki rabada di ña pape!

11Si ña pape karganta bos kusa pisadu, ami N na buri bos kargu. Ña pape suta bos ku ŝikoti; ami N na kastiga bos ku lakaran!’ ”

12Na terseru dia, Jeroboan ku tudu pobu riba nunde Reoboan, suma ku rei falaba elis.

13Rei ruspundi pobu ku palabra duru, pabia i negaba konsiju ku garandis dalba,

14i papia ku elis konformi konsiju2 Kron 22.4-5; Dit 12.5; Dan 6.7 di jovens, i fala elis: “Ña pape kastiga bos ku kargu pisadu, ma ami, N na buri bos kargu. Ña pape suta bos ku ŝikoti, ma ami N na kastiga bos ku lakaran!”

15Asin, rei ka sukuta ke ku pobu na fala, pabia SIÑOR mistiba e mudansa, pa i kumpri palabra ki falaba jaKap 11.29-36 ku Jeroboan, fiju di Nebat, na boka di Aías di Siló.

16Oca ku tudu Israel oja kuma rei ka na sukuta se palabra, e rabida e ruspundil, e punta:

“Ke ku no ten2 Sam 20.1 ku Davi?

Yardansa ka ten pa nos na fiju di Jesé!

Omis di Israel, bo bai pa bo kasas!

Davi, jubi pa bu propiKap 11.13,32,36; 2 Sam 7.16 kasa!”

Asin pobu di Israel bai pa se kasas.

17Reoboan fika i na rena riba di ki fijus di Israel2 Kron 11.13-17 ku mora na prasas di Judá.

18Rei Reoboan manda Adoniran,2 Sam 20.24 ku staba riba di tarbaju obrigatoriu, ma pobu di Israel dal ku pedras tok i muri. Rei Reoboan janti, i mbarka na si karu pa kuri pa Jerusalen.

19Asin israelitas disliga2 Re 17.21 ku renansa di familia di Davi te aos.

20Oca ku tudu pobu di Israel obi kuma Jeroboan ribaba ja, e manda comal dianti di juntamentu, e fasil rei riba di tudu Israel. Son jorson di Judá ku fika fiel pa familia di Davi.

Anunsiu di Semaias(2 Kron 11.1-4)

21Oca ku Reoboan ciga na Jerusalen, i junta sentu i oitenta mil omi ku sibi geria, di jorsons di Judá ku di Benjamin, pa geria kontra ki utru jorsons di Israel, pa torna renansa na mon di Reoboan, fiju di Salomon,

22ma Deus bin papia ku Semaias,2 Kron 12.5-7 omi di Deus, i falal:

23“Bai papia ku Reoboan, fiju di Salomon, rei di Judá, ku tudu jorson di Judá ku di Benjamin, ku restu di jinti, bu fala elis kuma

24SIÑOR fala: ‘Ka bo bai geria kontra bo ermons, fijus di Israel, pabia i ami ku fasi e tarbaju. Kada kin pa i riba pa si kasa.’ ” E obi ke ku SIÑOR fala, e riba, konformi palabra di SIÑOR.

Jeroboan kumpu bakasiñus di uru

25Jeroboan fortifika Siken, na monti di Efrain, i bai mora la. Dipus i sai di la, i fortifika Penuel.Ŝef 8.8

26I fala na si sintidu: “Manera ku kusas sta gosi, renu na riba pa familia di Davi.

27Si ña pobu bai pa sakrifika na kasa di SIÑOR na Jerusalen, se korson na riba pa se mestre, Reoboan, rei di Judá. E na bin matan, e riba pa el.”

28Dipus di risibi konsiju, i kumpu dus bakasiñuSai 32.4; Lei 4.15-18; 2 Re 10.29; 17.16; 2 Kron 11.14-15; 13.8; Os 8.5-6; 10.5-6 di uru, i fala pobu: “I kansadu dimas pa bos pa bai Jerusalen. Pobu di Israel, ali bo deusis ku tira bos na tera di Ejitu!”

29I pui un bakasiñu na Betel,Kum 12.8 i pui ki utru na Dan.Jos 19.47; Ŝef 18.29; 2 Sam 3.10

30Asin pobu kumsa yandaKap 14.16; 15.26 na pekadu; kada kin ta baiba te na Dan pa adora ki bakasiñu.

31Jeroboan kumpu tambi lugaris sagraduKap 13.32-33; Num 3.10; 2 Re 17.32; 2 Kron 11.14-15; 13.9 na montis, i kuji kualker jinti pa e sedu saserdotis, nin ke ka seduba di jorson di Levi.

32Jeroboan marka festivalKap 8.2,5; Sir 23.34 sagradu na dia 15 di oitavu mis, suma ki festival ku ta fasidu na Judá; i sakrifika riba di altar na Betel pa ki bakasiñu ki kumpuba. Tambi na BetelAm 7.10-13 i pui saserdotis pa e sirbi na ki kaus altu.

33Asin na dia 15 di oitavu mis, dia ku el propi imaẑinaNum 15.39; Mat 15.6-9 na si kabesa, i bai pa Betel, i sakrifika riba di altar, i kema nsensu pa kumsa ki festival ki marka pa fijus di Israel.