Salmus 58 - Portuguese Creole Bible, Guinea-Bissau

Miktan di Davi pa ŝef di musika. Pa i kantadu ku musika di “Ka bu dana”.

1Abos juisis, N na punta bos:

Bo ta papia bardadi na justisa?

Bo ta julga tudu jinti ku retidon?

2Nau! Bo ta pensa son na maldadi ku bo pudi fasi;

bo mon ta buri violensia na tera.

3Jinti mau ta disvia desdiKap 51.5 bariga di se mame;

e padidu son, e kumsa na yanda mal, e konta mintida.

4E tene venenu sumaKap 140.3 di kobra;

e surdu suma tutu ku tapa si oreja

5pa ka obi musika di nkantadur,

pa mas jituEkl 10.11 ku kila ten na nkantamentu.

6O Deus, kebra elis dintis na boka;

SIÑOR, kebra keŝada di ki lions.

7Pui pa e disparsi suma yagu ku na mingua;

ora ke yarma se fleŝas, pa e kebra padas padas.

8Fasi elis suma bicu ku ta ribi;

tuji elis oja sol, suma mininu ku padidu mortu.

9E na rabatadu, suma urdumuñu leba elis, kinti-kinti,

antis di bo panelas sinti kalur di po diEkl 7.6 fidida,

verdi o seku, ku sta bas del.

10Justus na kontenti ora ke oja vingansa;

e na laba se peKap 68.23 na sangi di omi mau.

11Jinti na fala: “Na bardadi, justu ten si pagamentu;

sin duvida i ten un Deus ku ta julgaJo 34.11; Ekl 11.9; 12.14; Jer 17.10; 32.19; Ez 7.27; 33.20; Rom 2.6-11; 14.12; 2 Kor 5.10; Apok 2.23; 20.11-15 mundu.”