Markus 1 - Portuguese Creole Bible, Guinea-Bissau

Jon Batista(Mat 3.1-12; Luk 3.1-18; Jon 1.6-8,19-36)

1Bon Noba di Jesus Kristu, FijuMat 14.33; Luk 1.35; Jon 1.34; 20.31; At 8.37; 9.20; 2 Kor 1.19 di Deus, i kumsa

2suma ku anunsiadur Isaias skirbi na libru, kuma Deus fala:

“N na mandaMal 3.1; Mat 11.10; Luk 7.27 ña servu bu dianti,

ku na kumpu kamiñu pa bo.

3Algin na gritaIs 40.3 na lala, i na fala:

‘Bo kumpu kamiñu di Siñor; bo filantal strada.’ ”

4Asin un omi ku comadu Jon i parsi na lala, i na batisaJon 3.23 jinti, i na konta elis palabra di Deus, i fala: “Bo ripindi di bo pekadu, bo batisa; Deus ta purda bo pekadu.”

5Tudu jinti di tera di Judeia ku jinti di prasa di Jerusalen e ta baiba pa Jon, e konfesa se pekadu; i ta batisa elis na riu Jordon.

6Jon ta bistiba ropa di kabelu di kamelu tisidu; i ta mara sintu di kuru na rabada; i ta kume gamfañotisSir 11.22 ku mel.

7I ta konta jinti, i fala elis: “Un algin na bin dipus di mi ki mas di ki mi. Ami N ka mersiAt 13.25 wuŋi pa dismanca korda di si sapatu.

8Ami na bardadi N na batisa bos kuAt 1.5; 11.16; 19.4 yagu, ma el i na batisa bos ku SpirituAt 2.4; 10.45; 1 Kor 12.13 Santu.”

Jesus batisadu, i tentadu(Mat 3.13-17; 4.1-11; Luk 3.21-22; 4.1-13; Jon 1.32-34)

9Na ki tempu Jesus saiba na tabanka di Nazaré na tera di Galileia. Jon batisal na riu Jordon.

10Oca ki na sai na yagu, i oja seu yabri. Spiritu Santu disi suma pumba, i ria nel.

11Un algin papia di seu, i fala: “Abo i ña FijuKap 9.7; Sal 2.7; Ef 1.6 ku N kiri ciu; N ten garandi kontentamentu na bo.”

12I ka tarda, Spiritu di Deus lebal pa lala.

13I fika la korenta dia, son ku limarias brabu. Satanas na tentalba. Anjus1 Re 19.5-7 bin sirbil.

Purmeru disipulus di Jesus(Mat 4.12-22; Luk 5.1-11)

14Jon pudu na kalabus. Dipus, Jesus riba pa Galileia, i konta Bon Noba di Deus, i fala:

15“TempuDan 9.25; Gal 4.4 ciga ja. Renu di Deus sta ja pertu. Bo ripindi di bo pekadu, bo fia na Bon Noba.”

16Oca Jesus na yandaba lungu di Mar di Galileia, i oja dus piskadur, Simon ku si ermon André, ku na botaba ridia na mar.

17I fala elis: “Bo bin no bai; N na fasi bos piskadur di jinti.”

18E disaKap 10.28 janan se ridia, e bai ku el.

19I bai mas dianti, i oja Tiagu, fiju di Zebedeu, ku si ermon Jon. E staba na barku, e na capa se ridia.

20Na ki ora Jesus coma elis. E disa se pape Zebedeu na barku ku si tarbajaduris, e bai ku Jesus.

Jesus kura un omi ku teneba spiritu mau(Luk 4.31-37)

21E bai paMat 4.13 Kafarnaun. Na dia di diskansu Jesus yentra na kasa di juntamentu, i kumsa na nsina.

22Jinti fikaba dimiraduMat 7.28 ku si nsinamentu, pabia i ka nsina suma pursoris di lei, ma i ta nsina ku tudu sertesa.

23Un omi ku teneba spiritu mau staba na kasa di juntamentu. I grita, i punta:

24“Ke ku no tenMat 8.29 ku bo, Jesus di Nazaré? Bu bin pa kaba ku nos? N sibi kin ki abo; abo i ki algin santu di Deus.”

25Jesus raprindil, i fala: “Kala, bu sai nel.”

26Spiritu mau bulbuliKap 9.20 kurpu di omi ku forsa, i grita risu, i sai nel.

27Tudu jinti fika dimiradu tok e na punta ŋutru: “Es i ke? I nsinamentu nobu? E omi ta papia ku otridadi, i ta da ordi te pa spiritus mau; e ta obdisil!”

28Si fama laga, i spaja na tudu tera di Galileia.

Jesus kura manga di duenti(Mat 8.14-17; Luk 4.38-41)

29Oca ke sai na kasa di juntamentu, e bai pa kasa di Simon ku André. Tiagu ku Jon bai ku elis.

30Mame di minjer di Pedru ditaba ku febri. Na ki ora e konta Jesus del.

31I bai pa el, i pegal na mon, i judal lanta. Febri disal janan; i kumsa sirbi elis.

32Di tardi, oca ku sol na kai, e tisi tudu duentis pa Jesus, ku kilis ku teneba dimoniu.

33Tudu jinti di prasa ruma na porta.

34Jesus kura manga di jinti di manga di koldadi duensa; i tira manga di dimoniu na jinti, ma i ka disaKap 1.25; 3.11-12 dimonius pa e papia, pabia e kunsilba.

Jesus yanda na Galileia(Luk 4.42-44)

35Parmaña sedu, oca kau sukuru inda, Jesus lanta, i sai, i bai pa un lugar dingidu fora di tabanka pa fasiKap 6.46 orason.

36Simon ku si kumpañeris bai buskal.

37E ojal, e falal: “Tudu jinti na buskau.”

38Jesus fala elis: “No ten ku bai pa utru tabankas ne ladus pa N konta palabra di Deus la tambi, pabia i esIs 61.1 ku N bin pa el.”

39I fika i na yandaMat 4.23 na tudu Galileia, i konta palabra di Deus na kasas di juntamentu, i tira dimonius na jinti.

Kura di un omi ku teneba mpincu(Mat 8.1-4; Luk 5.12-14)

40Un omi ku teneba mpincu ciga pertu di Jesus, i finka juju si dianti, i rogal, i falal: “Si bu misti, bu pudi limpan.”

41Jesus sinti pena del, i distindi mon, i toka nel, i falal: “N misti. Fika limpu!”

42I kaba papia son, mpincu pirdi nel; omi fika kuradu.

43Oca Jesus na dispidil, i papia risu ku el,

44i falal: “Jubi, ka bu konta ningin nada. Bai pa saserdoti, bu mostral bu kurpu, bu da Deus ofertaSir 14.3-4,10,21-22 ku Moisés manda, manera ku bu sta ja limpu. Es i ta sirbi proba kuma bu sta kuradu.”

45Ma ki omi sai, i kumsa na papiaKap 7.36 ciu, i spaja noba di kusa ku kontisiba, tok Jesus ka pudi ja yentra na tabanka na uju di jinti. I fika fora na lugar dingidu, ma jinti di tudu parti e ta bai pa el.