Numerus 5 - Portuguese Creole Bible, Guinea-Bissau

Puresa di kampamentu

1SIÑOR fala Moisés:

2“Da fijus di Israel ordi pa e tira fora di kampamentu tudu jinti ku tene mpincu,Sir 13.45-46; 15.2-27; Lei 24.8-9 o kusa na sai na se kurpu, ku tudu kilis ku sta impuruKap 19.11-16 pabia e toka na un kurpu ku muri.

3Bo ten ku tira elis fora di kampamentu, nin si i omi o i minjer, pa ka e kontamina kampamentu nunde ku NSir 26.11-12 mora.”

4Asin fijus di Israel obdisi ke ku SIÑOR fala Moisés, e tira elis fora di kampamentu.

Pagamentu pa kulpa

5SIÑOR papia mas ku Moisés, i falal

6pa i fala fijus di Israel: “Ora ku kualker omi o minjer fasi malSir 5.1-5,15-17; 6.2-5 kontra utru algin, i ta oja i kebra lei di SIÑOR, i sta kulpadu.

7I ten ku konfesaSir 5.5 pekadu ki fasi, i paga tudu ki dibi di paga pa si kulpa, i buri mas un kintuSir 5.16 parti, i da tudu pa ki algin ki yara.

8Ma si ki algin ki yara muri ja, i ka tene parenti ku ten diritu di risibi ki diñeru, ki kulpadu na da SIÑOR el; i na bai pa saserdoti. Ki pagamentu i ka na juntu ku ki karnel ki na leba pa saserdoti pudi sakrifikal, pa ki pekadu purdadu.

9Tambi tudu oferta ku fijus di Israel leba pa SIÑOR i na sedu di saserdotiSir 7.7,14 ku si dunu ntregal pa el.

10Tudu oferta sagradu ku algin leba i da un saserdoti, i di ki saserdoti.”

Minjeris ku se omis ka fia nelis

11SIÑOR papia mas ku Moisés i falal

12pa i da e ordi pa fijus di Israel: “I pudi sedu ku minjer di algin disvia, i peka kontra el,

13i kai ku utru omi, i fika kontaminadu, ma maridu ka ojal, nin i ka tene tustumuña kontra el pabia i ka pañadu.

14Omi pudi sinti siumi di si minjer, i diviña kuma minjer sta kontaminadu, ma omi pudi bin sinti siumi di si minjer, nin si minjer ka kai ku utru omi.

15Ki omi pudi leba si minjer dianti di saserdoti; i na leba tambi, na konta di minjer, un oferta di dus litru di foriña di sevada, ma i ka na darma azeitiSir 5.11 nel, nin i ka na pui nsensu riba del, pabia i oferta di siumi, pa pekadu pudi sai na lus.

16“Saserdoti na ciganta minjer, i pul dianti di SIÑOR.

17Dipus, i na pui yagu sagradu na un testu, i na toma puera di con di tabernakulu, i pul na yagu;

18i na pursenta minjer dianti di SIÑOR, i na diskubri si kabesa, i na pui na si mon ki oferta di foriña, di siumi. Saserdoti na pega na si mon ki yagu malgos ku ta tisi maldison.

19Dipus i na pui minjer bas di juramentu, i na falal: ‘Si ningin ka dita ku bo, bu ka yara bu maridu, bu ka sedu impuru, e yagu malgos di maldison ka na fasiu mal,

20ma si bu yara bu maridu, bu kontamina bu kurpu, bu dita ku utru omi ku ka sedu bu maridu,’

21(ali saserdoti ten ku pui minjer bas di maldison di juramentu) ‘SIÑOR na pui bu pobu pa e maldisuau ora ki pui bu koŝa pa i pirdi forsa, i pui bu bariga pa i inca.

22E yagu di maldison pa i yentra na bu kurpu, i pui bu bariga pa i inca, i pui bu koŝa pa i pirdi forsa.’ Minjer na fala: ‘Amen! Pa i sedu asin.’

23“Saserdoti na skirbi e maldisons na un rolu; dipus i na laba elis ku ki yagu malgos.

24Antis di da minjer ki yagu malgos di maldison pa i bibi, ku na yentra na si kurpu pa dal dur forti,

25saserdoti na toma ki oferta di foriña di siumi na mon di minjer, i na sanaSai 29.24 ki oferta dianti di SIÑOR, i na pursental na altar.

26I na toma un mon incidu di ki foriñaSir 2.2 di oferta pa tisi pekadu pa lus, i na kemal riba di altar. Dipus i na da minjer ki yagu pa i bibi.

27Si na bardadi minjer kontaminaba si kurpu, i peka kontra si maridu, ora ki kaba bibil, ki yagu di maldison na yentra nel, i na dal dur forti; si bariga na inca, si koŝa na pirdi forsa; si nomi i na sedu maldisuadu na metadi di si pobu.

28Si minjer ka kontamina si kurpu ma i sta puru, i na fika libri di kulpa, i na pudi padi fijus.

29“Es i lei di siumi, ora ku minjer kasadu disvia, i fika kontaminadu,

30o ora ku omi sinti siumi di si minjer. Minjer na pursentadu dianti di SIÑOR; saserdoti na kumpri tudu e lei riba del.

31Omi na fika libri di kulpa, ma si minjer sta kulpadu i na sufri pa si pekadu.”