Esdras Introduson - Portuguese Creole Bible, Guinea-Bissau

IntrodusonNo lei na 2 Reis ku 2 Kronikas kuma ku judeus lebadu pa Babilonia, ma e libru ta fala di Siru, rei di Persia. Pa ntindi kuma ku e mudansa bin sedu, bu pudi lei Daniel kapitulu 5, o minjor, lei tudu libru di Daniel.Purmeru 3 versikulu di Esdras ta ripiti ki 2 ultimu versikulu di 2 Kronikas; dipus, libru ta kontinua ku storia di rei Siru, ku larga judeus pa e pudi riba pa se tera, e torna kumpu kasa di Deus. Manga delis lanta, e riba, e pega tarbaju. Purmeru kusa ke kumpu i altar. Kasa ku kumpudu pa Deus i bon, ma kusa mas importanti i adorason ku pobu na da Deus. Inimigus lanta pa tuji tarbaju, ma Deus da vitoria, tok kasa bin kaba na tempu di Aẑeu ku Zakarias.E libru ka da nomi di kin ku skirbil, ma i pudi sedu Esdras propi. Dus parti sta skritu na aramaiku: 4.8—6.18 ku 7.12-26.Rusumu1.1—2.70 Purmeru grupu di katibus riba na anu 538 aK (antis di Kristu)3.1—6.22 Templu kumpudu7.1—8.36 Dipus di 60 anu, Esdras bai Jerusalen ku sugundu grupu di katibus, na 458 aK9.1—10.44 Esdras juda judeus pa e ndirita se vida dianti di Deus