1 Koríntius 4 - Portuguese Creole Bible, Guinea-Bissau

Nkargadu di Deus

1Jinti dibi di ojanu suma servus di Kristu, nkargaduLuk 12.42; Titu 1.7; 1 Ped 4.10 di sigridus di Deus.

2Agora no na pera kuma un nkargadu dibi di ojadu fiel.

3Si N na julgadu pa bos o pa kualker tribunal di omi, N ka mporta nada. Nin ami propi N ka ta julga ña kabesa.

4N ka na sinti nada na ña konsiensia, ma es i ka proba kuma N ka kulpadu. I SiñorDit 21.2; 1 Jon 3.20 ku na julgan.

5Asin, ka bo julgaMat 7.1; Rom 2.1,16; 14.4,10,13; Apok 20.12 antis di ora. Bo pera tok Siñor bin. I na pui na lus kusa ku sukundidu na sukuru. I na mostra kalkulus ku sta dentru di jinti. Dipus, Deus ta ngabaRom 2.29; 2 Kor 5.10; 10.18 kada kin suma ki mersi.

Njatansa di koríntius; otridadi di apostolu

6Ermons, pa N juda bos ntindi e kusas li ku manda N toma isemplu di miKap 1.12 ku Apolu, pa bo pudi sibi ke ku signifika e ditadu ku fala asin: “Ka bu pasanta mas di kil ku sta skritu,” pa ka bo yalsa un, bo baŝa utru.

7Kin ku ta diferensiau? Ke ku bu teneJon 3.27; Tia 1.17; 1 Ped 4.10 ku bu ka dadu el? Si bu dadu el, ke ku manda bu na njata suma bu ka patidu nan el?

8Bo staApok 3.17 ja fartu! Bo sta riku! Sin nos, bo na rena! I ta bon pa bo rena na bardadi, pa no pudi rena juntu ku bos!

9I parsin kuma anos apostolus, Deus punu tras. No sedu suma omis kondenadu pa muriRom 8.36 na rua na uju di tudu mundu, na uju di anjus ku di jinti.

10No sedu tuluAt 17.18; 26.24; 2 Kor 11.1,16-17,19,21; 12.6,11; 13.9 pabia di Kristu, ma abos bo jiru na Kristu; anos i fraku ma abos bo forti. No njutidu; abos bo rispitadu.

11Te gosi no na sufriAt 23.2; Rom 8.35; Fil 4.12 fomi ku sedi. No bisti rataju, no bofotiadu, no ka tene kau sertu di mora.

12No ta tarbajaAt 18.3 ku no mon, no ta kansa. Ora ke falanu mal, no ta fala benMat 5.44; 1 Ped 2.23 delis; ora ku no pirsigidu, no ta sufri;

13ora ku no kobadu, no ta torna ku palabra mansu. Te gosi no na tratadu sumaMis 3.45 bora, suma muntudu di mundu.

14N ka skirbi asin pa N pasanta bos borgoña; N fasil pa N konsija bos suma ña fijus2 Kor 6.13; 1 Tes 2.11 propi ku N ama.

15Nin ku bo teneba des mil pursor na vida kriston, bo ka tene manga di pape, ma na kamiñu di Jesus Kristu abos i ña fijusAt 18.5,11; Gal 4.19; Filem 10 manera ku N konta bos Bon Noba.

16E ku manda N na pidi bos pa boKap 11.1; Fil 3.17; 1 Tes 1.6; 2 Tes 3.9; 1 Ped 5.3 remendan.

17Pabia des N na manda bosAt 16.1; Fil 2.19-22 Timótiu, ña fiju ku N ama; i fiel na Siñor; i ta juda bos lembra nsinamentuKap 11.2; 2 Tes 2.15 di kamiñu ku N ta yanda nel juntu ku Kristu, ku N ta nsina tambi na tudu parti, na kada igreẑa.

18Utrus na yandaKap 5.2 sañadu, suma ku N ka na torna bai nunde bos,

19ma si Siñor misti, N ka na tarda pa bai visitaAt 19.21; 2 Kor 1.15 bos. Asin N ta kunsi kilis ku sta sañadu; i ka son pa palabra, ma N ta oja tambi se puder,

20pabia renu di Deus i ka sedu di palabra1 Tes 1.5 ma di puder.

21Kal ku bo misti? Pa N bai nunde bos ku2 Kor 10.2; 12.20; 13.10; Titu 1.13; 2.15 mantampa, o ku amor ku spiritu mansu?