Zakarias 5 - Portuguese Creole Bible, Guinea-Bissau

Sestu vison — Rolu ku bua

1Utru bias N yalsa uju, N oja un roluEz 2.9 di libru ku na bua!

2Anju puntan: “Ke ku bu na oja?”

N falal: “N oja un rolu ku na bua, ku tene 9 metru di kumprimentu ku 4,5 metru di largura.”

3I falan: “Es i maldison ku na bai pa tudu parti di tera. Konformi maldison na un ladu, kualker algin ku furta na tiradu na tera. Konformi maldison na utru ladu, kualker algin ku konta mintida bas di juramentu i na tiradu na tera.

4SIÑOR ku ten tudu puder fala: ‘N na manda ki maldison, N na pul pa i yentra na kasa di ladron, ku kasa di algin ku konta mintidaKap 8.17; Sir 19.12; Mal 3.5 bas di juramentu na ña nomi. I na fika na si kasa, i na kaba ku si maderiamentu ku si pedras.’ ”

Setimu vison — Minjer na sestu

5Anju ku na papiaba ku mi i sai, i falan: “Jubi ki kusa ku na bin gosi.”

6N puntal: “Es i ke?”

I falan: “Es i sestu di midi. I signifika maldadi di jinti di tudu e tera.”

7Oca ku tampu di cumbu yalsadu, N oja un minjer ku sinta dentru di sestu.

8Anju falan: “Es i maldadi.” I pinca minjer pa fundu di sestu, i torna pui ki tampu di cumbu riba di boka di sestu.

9N yalsa uju; la N oja dus minjer ku na bin; bentu inci se asas, pabia e teneba asas suma segoña. E lambu ki sestu, e bua ku el.

10N punta ki anju ku na papiaba ku mi: “Nunde ke na leba ki sestu?”

11I falan: “Pa tera di Babilonia, pa kumpul un kasa. Ora ki sta pruntu, sestu na pudu la na si propi lugar.”