Jeremias 27 - Portuguese Creole Bible, Guinea-Bissau

Jeremias pui kanga

1Na kumsada di renansa2 Kron 36.10-11 di Zedekias, fiju di Josias, rei di Judá, SIÑOR bin papia ku mi, Jeremias,

2i falan asin: “Toma madera ku kordas di kuru, bu kumpu kanga, bu pul na bu garganti.

3Manda rekadu pa reis di Edon, di Moab, Amon, Tiru ku Sidon, na mon di ki jinti ke manda pa Jerusalen pa e papia ku Zedekias, rei di Judá.

4Da elis un rekadu pa se mestres, bu fala kuma asin ku SIÑOR ku ten tudu puder, Deus di Israel, fala: ‘Bo bai konta bo mestres:

5“Ku ña garandi puder ku ña brasu forti N kumpuIs 45.12; Dan 4.17,25,32 mundu, ku omis ku limarias ku sta nel; N ta dal pa kin ku N misti.

6Gosi N na ntrega tudu bo tera na mon di ña servu Nabukodonosor, rei di Babilonia; tambi N dal limariasKap 28.14; Dan 2.38 di matu pa e sirbil.

7Tudu nasons na sirbil, ku si fiju ku si netu, tok i cigaKap 25.12; 2 Kron 36.20 tambi tempu di si tera, ora ku manga di nason ku reis garandi na fasil se katibu.

8“ ‘ “Ma si kualker nason o renu nega sirbi Nabukodonosor, rei di Babilonia, i ka pui si garganti bas di si kanga, N na kastiga ki nason ku spada, fomi ku duensa, tok N kaba ku elis pa mon di Nabukodonosor.

9Ka bo para sintidu pa bo anunsiaduris, nin diviñaduris, suñaduris, pauterus o jambakusis, ku ta fala bos kuma bo ka na sirbi rei di Babilonia.

10E ta anunsia bosKap 27.14 mintida, ku na pui bo mandadu lunju di bo tera; ami N na serka bos nel; bo na pirdi.

11Nason ku miti si garganti bas di kanga di rei di Babilonia, i sirbil, N na disa elis na se tera; e na labral, e sinta nel. Asin ku SIÑOR fala.” ’ ”

12N papia ku Zedekias, rei di Judá, N kontal tudu ki palabras, N falal: “Bo miti bo garganti na kanga di rei diKap 38.17 Babilonia, bo sirbil ku si pobu; bo ta bibu.

13Ke ku mandaEz 18.31 bu misti muri, abo ku bu pobu, ku spada, fomi o duensa? Asin ku SIÑOR fala i na sedu ku nason ku ka sirbi rei di Babilonia.

14Ka bo para sintidu na palabras di anunsiaduris ku ta fala bos kuma bo ka na sirbi rei di Babilonia, pabia i mintidaKap 27.10; 14.14 ke na anunsia bos.

15SIÑOR fala: ‘N ka manda elis. E na anunsia mintida na ña nomi. Asin, N na serka bos, bo na pirdi, abos ku kilis ku na anunsia pa bos.’ ”

16N papia tambi ku saserdotis ku tudu pobu, N fala elis kuma asin ku SIÑOR fala: “Ka bo pui sintidu na palabras di bo anunsiaduris ku fala kuma i ka na tarda, ki rikesasKap 28.3; 2 Kron 36.7,10,18; Dan 1.2 di kasa di SIÑOR na ribantadu di Babilonia. I mintida ke na konta bos.

17Ka bo sukuta elis. Bo sirbi rei di Babilonia, bo ta bibu. Kuma ku bo na disa e prasa pa i bida lala?

18Si kontra e sedu anunsiaduris, si palabra di SIÑOR sta ku elis, e ta ora pa SIÑOR ku ten tudu puder, pa ki rikesa ku fika na kasa di SIÑOR, kasa di rei di Judá, ku na Jerusalen, pa ka i lebadu pa Babilonia.

19SIÑOR ku ten tudu puder papia aserka diKap 52.17,20-21 kulunas, bañera, stantis movel ku utru mobilia ku fika na prasa,

20ku Nabukodonosor, rei di Babilonia, ka leba, oca ki lebaKap 24.1 Jekonias, fiju di Jeoiakin, rei di Judá, di Jerusalen pa Babilonia, tudu ku jinti garandi di Jerusalen.

21Es ku SIÑOR ku ten tudu puder, Deus di Israel, fala aserka di rikesa ku fika na kasa di SIÑOR, na kasa di rei di Judá ku na Jerusalen:

22‘I na lebadu2 Re 25.13-14; 2 Kron 36.18 pa Babilonia, i na fika la te na diaKap 29.10; Esd 1.7 ku N bai pa el. Dipus, N na ribantal, N tornal pa e kau.’ Asin ku SIÑOR fala.”