Ezekiel 17 - Portuguese Creole Bible, Guinea-Bissau

Dus agia ku un pe di uva

1SIÑOR bin papia ku mi, i falan:

2“Fiju di omi, konta pobu di Israel un storia ku na sedu komparason pa elis,

3bu konta elis kuma SIÑOR Deus fala asin: ‘Un garandi agia, ku asas forti, ku tene ciu penas di manga di kor, i bai pa Líbanu. I pega na ramu mas altu di un sedru,

4i kebra ki ponta mas altu, i lebal pa un tera di nogos, i sumial na prasa di nogosiantis.

5“‘I toma simentera di bu tera, i sumial ku jiresa na un kau ku ta pruduziLei 8.7-9; Is 44.3-4 ciu, lungu di manga di yagu.

6Planta nasi, i torna un pe di uva largu dimas, di puku altura. I ta vira si ramu pa ki agia, pabia si rais staba bas. Asin i torna pe di uva ku manga di ramu ku rebenta fojas nobu.

7“‘I tenba utru agia garandi, ku asas forti ku manga di pena. Ki pe di uva larga si rais pa el, i distindi si ramus pa el desdi koba nunde ki parantadu nel, pa ki agia pudi regual.

8Ma i parantaduba na bon lugar, lungu di manga diSal 1.3 yagu, pa i pudi larga si ramu, pa padi si fruta, pa i sedu bon pe di uva.’

9“Fala elis kuma SIÑOR Deus na punta: ‘Ki pe di uva i na bibu? I ka na rinkadu ku si rais? Si fruta ka na tiradu? Tudu si ramus nobu ku fojas e ka na seku? I ka ku mon forti nin ku manga di jinti ki na rinkadu ku si rais.

10Mesmu ki parantadu, i na bibu me? Si bentuKap 19.12; Os 13.15 di saida di sol toka nel, i ka na seku me? Desdi kau ki parantadu i na seku.’ ”

11SIÑOR bin papia ku mi, i falan:

12“Punta e pobu disobdienti: ‘Bo ka sibi ke ku e kusas signifika?’ Fala elis: ‘Rei di Babilonia bai pa Jerusalen, i toma si rei2 Re 24.11-17 ku si ŝefis, i leba elis pa Babilonia.

13I toma un membru di familia2 Kron 36.10-13 di rei, i fasi kontratu ku el, i pul pa i jurmenta. I leba tambi jinti di gubernu di tera,

14pa renu pudi fika bas, sin forsa pa lanta, pa i pudi guarda ki kontratu pa kontinua izisti,

15ma rei di Judá ka mistiba fika bas del. I manda si jinti pa Ejitu pa e ranja kabalusIs 31.1,3 ku manga di tropa. Nta algin ku fasi kusas asin i na bai dianti? I na kapli? I pudi dana kontratu, i kapli?

16“‘SIÑOR Deus jurmenta pa si vida, i fala: I na muriKap 12.13; Jer 32.4-5 na Babilonia, tera di ki rei ku pul pa i rena. Ma i njuti ki juramentu, i dana tambi si kontratu.

17Faraó ku si tropas forti ku si garandi multidon i ka na judal na gera, ora ku tropas di Babilonia lantanda rampasKap 4.2 di kamba, e kumpu torisJer 52.4 di bisia pa kaba ku manga di vida.

18Rei njuti ki juramentu, i dana kontratu. Manera ki da si mon suma purmesa, ma dipus i fasi e kusas tudu, i ka na kapli.

19“‘Pabia des, SIÑOR Deus jurmenta pa si vida i fala: N na kastigal manera ki kebra ki kontratu ki jurmenta na ña nomi kuma i na guarda.

20N na bota ña ridiaKap 12.13; 32.3; Os 7.12 riba del, N pañal. N na lebal pa Babilonia; N na julgal la, pabia i ka obdisin, i ka sedu fiel.

21Si tropasKap 12.14 tudu na kuri. Utrus na matadu ku spada; kilis ku kapli na pajigadu pa tudu ladu. Bo na sibi kuma i ami, SIÑOR, ku fala e kusa.

22“‘Ami, SIÑOR Deus, N fala kuma,

N na toma parti di riba di un sedru altu;

N na kebra ki ramu mas nobu,

N na parantal riba di un monti muitu altu,

23ki monti mas altuKap 20.40; Is 2.2-3 di Israel.

I na larga si ramus, i na padi fruta;

i na sedu sedru bonitu dimas.

Tudu tipu di kacus na pui se niñu la

na sombra di si ramus.

24Tudu arvuris di matu na sibi

kuma ami, SIÑOR,

N ta batiKap 21.26; Luk 1.52 arvuri altu;

N ta pui arvuri pikininu pa i sedu altu.

N ta sekusi arvuri verdi;

N ta pui arvuri seku pa i bida verdi.

Ami, SIÑOR, N fala e kusa, N na fasil.’ ”