Atus 5 - Portuguese Creole Bible, Guinea-Bissau

Ananias ku Safira

1I tenba utru omi comadu Ananias, ku Safira si minjer; e bindi un terenu.

2I rapati diñeru, i guarda utru. Si minjer tambi sibi. I leba ki utru parti, i pul dianti di apostolus.

3Pedru puntal: “Ananias, kuma ku bu disa Satanas inci bu korson tok bu konta mintidaNum 30.2; Ekl 5.4-5; Luk 22.3; Jon 8.44 pa Spiritu Santu, bu guarda parti di pres di terenu?

4Antis di bu bindilba, i di bo; dipus ku bu bindil, diñeru staba na bu mon. Ke ku pou pa bu kuda fasi e kusa? Bu ka konta mintida pa omis ma pa Deus.”

5Ananias kaba obi ki palabra, i kai, i muri. Garandi medu bin riba di tudu kilis ku obi ki kusa.

6Rapasis lanta, e kubri kurpu, e lebal pa fora, e bai nteral.

7Oca ki pasa kuas tris ora ku omi muri, si minjer ciga tambi, ma i ka sibi di nada ku kontisi.

8Pedru falal: “Kontan de, bo bindi ki terenu pa e pres?” I ruspundi: “I asin ki bindidu.”

9Pedru rabida i puntal: “Ke ku manda bo filanta pa proba1 Kor 10.9 Spiritu di Siñor? Kilis ku bai ntera bu omi, ali se pe ciga na porta; e na lebau tambi.”

10Ki ora i kai dianti di Pedru, i muri. Rapasis yentra, e ojal mortu, e lebal, e ntera lungu di si omi.

11Tudu igreẑa ku tudu kilis ku obi e kusas e fika ku garandi medu.

Manga di milagri

12Apostolus fasi manga di sinal ku milagriKap 4.30 na metadi di pobu. E filantaba pa ba ta junta na barandaKap 3.11 di Salomon.

13Kin ku ka seduba krenti ka ta osaba junta ku elis, ma tudu jintiKap 2.47 ta falaba ben delis.

14Omis ku minjeris na setaba Siñor; numeru na buri kada bias mas.

15Asin jinti ta lebaba duentis pa rua; e ta ditandadu na kama o na stera, pa ora ku Pedru na pasa, nin si i pa si sombraKap 19.12; Mat 9.21; 14.36; Jon 14.12 kubri utrus.

16Tambi na utru prasas pertu i ta binba manga di jinti pa Jerusalen; e ta tisiMar 16.17-18 duentis, ku kilis ku spiritu mau na kansaba. E ta kuradu, elis tudu.

Apostolus pirsigidu

17Ŝef di saserdotis ku tudu si kumpañerisKap 4.1-2,6 (kilis di grupu riliẑiosu di saduseus) e tenba nveẑa, e lanta,

18e paña apostolus, e pui elis na kalabusLuk 21.12 di pobu,

19ma di noti un anju di Siñor bin yabri portaKap 12.7,10; 16.26; Sal 34.7 di kalabus, i tira elis fora, i fala:

20“Bo bai, bo yentra na kasa di Deus, bo splika pobu diritu aserka de nobu vida.”

21Apostolus obi ke ku anju fala, e bai parmaña sedu na kasa di Deus, e kumsa na nsina jinti.

Oca ku ŝef di saserdotis ciga ku siKap 4.5-6 kumpañeris, e manda coma tudu garandis di pobu di Israel pa un juntamentu di Konseliu. E manda guardas pa e bai tisi apostolus na kalabus.

22E bai, e ka oja elis na kalabus; e riba, e bai konta elis,

23e fala: “Na bardadi no oja kalabus ficadu suguru, guardas staba sikidu na porta, ma oca ku no yabri porta, ningin ka staba dentru.”

24Ki ora ku kapiton di kasa di Deus ku ŝefis di saserdoti obi ki palabra, e fika e na punta: “Es i ke ku kontisi ku e jinti? Ke ku na bin sedu gora?”

25Dipus un omi ciga, i fala elis: “Ki omis ku bo pui na kalabus, ala elis sikidu na kasa di Deus, e na nsina pobu.”

26Ki ora kapiton bai ku guardas, e bai tisi elis, ma i ka ku forsa, pabia eKap 4.21; Mat 14.5; 21.26 mediba, pa ka pobu da elis ku pedra.

27E tisi elis, e pursenta dianti di Konseliu. Ŝef di saserdotis kumsa na punta elis, i fala:

28“Nta no ka tujiba bosKap 4.18 pa ka bo nsina na ki nomi? Ma bo inci Jerusalen ku bo nsinamentu. Tambi bo misti kulpanuKap 5.30; 2.23,36; 3.15; 7.52 di mortu di ki omi.”

29Pedru ku utru apostolus fala elis: “I mas minjor obdisi DeusKap 4.19 di ki obdisi omis.

30Deus di no papes i lantandaKap 3.13,15 Jesus, kil ku bo mata, bo pindra na krusKap 2.23,36; 10.39; Gal 3.13; 1 Ped 2.24 di madera.

31Deus yalsal pa i sta na si monKap 2.33; Eb 2.10 direita, pa i sedu ŜefIs 9.6; Ez 34.24; Dan 9.25 ku Salbadur,Mat 1.21 pa da Israel maneraKap 2.38; Luk 24.47; Ef 1.7; Kol 1.14 di ripindi, pa se pekadu purdadu.

32Anos no sedu tustumuñas de kusas, suma tambi Spiritu Santu ku Deus da pa kilis ku obdisil.”

Konsiju di Gamaliel

33Oca ke obi ki palabra, e pañaKap 7.54 raiba; e misti mata elis,

34ma un fariseu ku comaduKap 22.3 Gamaliel, dutur di lei, ku tudu jinti rispita, i lanta na metadi di Konseliu, i manda pa tira apostolus fora un bokadu.

35I fala: “Omis di Israel, bo toma sintidu ku kil ku bo misti fasi e omis,

36pabia i ten un tempu ku un omi lanta ku comadu Teudas, i fala kuma el i algin garandi. Serka di kuatrusentus omi junta ku el, ma dipus, i matadu; tudu kilis ku na sigilba pajiga; i fika na nada.

37Dipus del i lanta utru omi di nomi di Judas, di Galileia, na tempu di resensiamentu; i leba manga delis si tras, ma kila matadu tambi; kilis ku na sigilba pajiga tudu.

38Agora N na fala bos, bo disa e omis, bo larga elis, pabia si se pensamentu ku se tarbaju i di omi, i na pajiga,

39ma si i diDit 21.30; Is 8.10; Mat 15.13; Luk 21.15 Deus, bo ka na pudi kaba ku el, pa ka i bin sedu kuma bo na geriaKap 7.51; 9.5; Apok 17.14 kontra Deus.”

40E seta konsiju di Gamaliel, e coma apostolus, e manda sutaMat 10.17; 27.26; Mar 13.9 elis; e da elis ordi pa ka e fala mas na nomi di Jesus. Dipus e largadu.

41E sai na metadi di Konseliu, kontentiMat 5.12; Rom 5.3; 2 Kor 12.10; Fil 1.29; Kol 1.11; Eb 10.34; Tia 1.2; 1 Ped 4.13,16 dimas pabia Deus oja elis mersidur di sufri borgoña pabia di nomi di Jesus.

42E ka ta kansaba di bai tudu dia na kasa di Deus, ku kada kasa, pa nsina ku kontaKap 4.19,29 Bon Noba kuma Jesus i Mesias.