1 Reis 13 - Portuguese Creole Bible, Guinea-Bissau

Un anunsiadur papia kontra altar

1Oca ku Jeroboan firmaba lungu di altar na Betel pa kema2 Re 17.11; 2 Kron 26.16-21; 28.25 nsensu, un omi di Deus ciga di Judá ku palabra di SIÑOR.

2Konformi ordi di SIÑOR i papia risu kontra ki altar, i fala: “Altar, altar! Asin ku SIÑOR fala: ‘Un fiju comadu Josias2 Re 22.1-2; 23.15-18 na padidu na familia di Davi. I na sakrifika riba di bo ki saserdotis di kaus altu ku ta kema nsensu riba di bo; os di omis na kemadu riba di bo.’ ”

3Dipus i da un sinal,Sai 4.1-9; 1 Sam 2.34; Is 38.7-8; Mat 12.38-40; Jon 2.18-19 i fala: “E altar na findi; sinsa ku sta nel na darma. Es na sedu sinal pa proba kuma i SIÑOR ku na papia.”

4Oca ku rei Jeroboan obi ki palabra ku omi di Deus fala kontra altar di Betel, i distindi mon pa culi ki omi, i fala: “Bo pegal.” Ma ki mon ki distindi kontra el fika paralisadu, i ka pudi ribantal mas pa si kurpu.

5Altar bin findi, sinsa darma nel. Asin i kumpri sinal ku omi di Deus da konformi palabra di SIÑOR.

6Rei fala omi di Deus: “Ora, bu buska SIÑOR bu Deus, bu rogaSai 8.8,12-13; Mat 5.44; Tia 5.16-18 pa mi, pa ña mon pudi san.” Omi di Deus ora dianti di SIÑOR; mon di rei kuradu, i torna suma ki staba.

7Rei fala omi di Deus: “Bin ku mi pa ña kasa, bu kume; N ta dau1 Sam 9.7; 2 Re 5.15 un pursenti.”

8Omi di Deus fala rei: “Nin si bu dan metadi di tudu ku bu tene, N ka na bai ku bo nin N ka na kume ponNum 16.26; Sal 141.4; 1 Kor 5.11; 2 Jon 10-11; Apok 18.4 nin bibi yagu ne kau,

9pabia SIÑOR dan ordi, i falan: ‘Ka bu kume pon nin ka bu bibi yagu; ka bu riba na mesmu kamiñu ku bu baiba nel.’ ”

10Asin i pega na utru kamiñu, i ka riba na ki kamiñu ki binba nel pa Betel.

Un lion mata omi di Deus

11Na Betel i tenba un anunsiadur beju. Si fijus bin e kontal tudu ku omi di Deus fasi ki dia na Betel; e kontal tambi ki palabras ki fala rei.

12Se pape punta elis: “Kal kamiñu ki bai?” Si fijus mostral kamiñu ku ki omi di Deus di Judá pegaba nel.

13I fala si fijus pa e purparal un buru. E purparal. I monta riba del,

14i bai tras di omi di Deus, i ojal sintadu bas di un karvaju. I puntal: “Abo i ki omi di Deus ku bin di Judá?” I falal: “Sin, i ami.”

15Omi beju falal: “Bin pa ña kasa bu kume pon.”

16Ma i falal: “N ka pudi riba pa bai ku bo pa bu kasa, nin N ka na kume pon nin bibi yagu ku bo ne kau,

17pabia SIÑOR falan asin: ‘Ka bu kume pon nin bibi yagu la, nin ka bu riba na mesmu kamiñu ku bu bai nel.’ ”

18Omi beju falal: “Ami tambi i anunsiadur suma bo. Un anju bin kontan palabra di SIÑOR, i falan: ‘Tisil ku bo pa bu kasa pa i pudi kume pon, i bibi yagu.’ ” (Ma i naMat 7.15; 24.24; 1 Jon 4.1 nganalba.)

19Asin ki omi di Deus riba ku el, i kume i bibi na si kasa.

20Oca ke na sintaba na mesa, SIÑOR bin papia ku ki anunsiadur ku ribantalba.

21Kila papia ku fála altu pa ki omi di Deus ku bin di Judá, i falal: “Asin ku SIÑOR fala: ‘Suma ku bu ka obi palabra di SIÑOR, bu ka obdisi ordi ku SIÑOR bu Deus dau,

22ma bu riba, bu kume pon, bu bibi yagu na kau ki falau pa ka bu kume pon nin pa ka bu bibi yagu nel, bu kurpu ka na nteradu na kau ku bu papes nteradu nel.’ ”

23Dipus di kaba kume pon, i bibi, ki omi beju purpara buru pa ki anunsiadur ki ribantaba.

24Oca kila bai, un lionKap 20.36; 1 Ped 5.8 sai pa el na kamiñu, i matal. Kurpu ditandadu na kamiñu, buru ku lion firma lungu del.

25Utru omis pasa, e oja kurpu ditadu na kamiñu, e oja tambi lion firmaba lungu del. E bai konta na prasa nunde ku ki anunsiadur beju moraba.

26Oca ku anunsiadur ku ribanta omi na kamiñu obil, i fala: “I ki omi di Deus ku nega obi palabra di SIÑOR. E ku manda SIÑOR ntregal na mon di lion ku padasal, i matal, konformi palabra ku SIÑOR falalba.”

27I fala si fijus pa e purparal buru. E purparal el.

28I bai, i oja si kurpu ditadu na kamiñu, ku buru ku lion ku firmaba lungu del. Lion ka kumeba kurpu, nin i ka padasa buru.

29Anunsiadur lambu kurpu di omi di Deus, i pul riba di buru, i lebal pa prasa, pa cora riba del, i nteral.

30I bai pui si kadaver na si propi kau di nteru. E coral, e fala: “Ai, ña ermon!”

31Dipus di nteral, i fala si fijus: “Ora ku N muri, bo nteran na kau nunde ku omi di Deus2 Re 23.17-18 nteradu; bo junta ña os ku di sil.

32Pabia palabra di Deus ki papia kontra altar na Betel, tambi kontra tudu kasas sagraduKap 12.31-32; Sir 26.30 na kaus altu di tudu prasas na Samaria, i na sedu, i ka na maina.”

33Mesmu dipus di kila, Jeroboan ka bandona si mau manera di yanda, ma i ta tomaba kualker algin di pobu, i ta fasil saserdoti2 Kron 11.15 di lugaris altu. Kin ku mistiba, i ta dal suku di bas; asin i ta pudu suma saserdoti.

34E pekadu ku Jeroboan fasi i pui pa si familia kabadu ku el.