1N oja SIÑOR ku staba sikidu lungu di altar, i falan: “Suta kapitelis1 Re 7.15-16 ku sta riba di kulunas di templu, tok portas di entrada tirmi. Kebra elis padas padas, pa i kai riba di kabesa delis tudu. N na mata elis ku spada te na ultimu delis; nin un son delis ka na kapli; ningin ka na salba.
2Nin si e koba tok e ciga na munduSal 139.8; Jer 51.53; Ob 4 di mortu, ña mon na tira elis la. Si e subi pa seu, N na rianta elis la.
3Si e sukundiJer 23.24 na kabesa di monti Karmelu, N na buska elis, N tira elis la. Si e bai sukundi di ña uju na fundu di mar, N na da ordi pa serpenti ku sta la pa i murdi elis.
4Si se inimigus leba elis pa katiberasku, N na da spadaSir 26.33; Jer 44.11; Ez 5.12 ordi pa i mata elis la. N na pui ña ujus riba delis pa mal, i ka pa ben.”
5SIÑOR, SIÑOR ku ten tudu puder,
i ta toka na tera; tera ta ribi;
tudu jinti ku mora nel ta cora.
Tudu teraKap 8.8; Mik 1.4 ta subi, i kai,
suma riu Nilu na Ejitu.
6I ta kumpu si kau di mora na seu,
i pui seu suma tetu riba di tera.
I ta coma yagu di mar, i darmal riba di tera.
SIÑORKap 5.8 i si nomi.
7SIÑOR punta: “O fijus di Israel, nta bo ka sedu pa mi suma jinti di Etiopia? N ka tisi Israel na tera di Ejitu? N ka tisi filisteus diJer 47.4 Kaftor? N ka tisi sirusKap 1.5 di Kir?
8Sin duvida, ujus di SIÑOR Deus sta riba de renu ku inci ku pekadu. N na kaba ku el na tera, ma N ka na kabaJer 30.11 ku tudu jorson di Jakó.” Asin ku SIÑOR fala.
9“N na da ordi, N na sakudi pobu di Israel na metadi di tudu nasons, suma trigu ta sakudidu na pineria; nin un garan ka na kai na con.
10Tudu kilis di ña pobu ku ta fasi pekadu e na matadu ku spada, kilis ku fala: ‘Mal ka na yangasanu nin i ka na ojanu.’
Benson pa Israel11“Na ki dia N na torna lantandaAt 15.16 renansa di Davi ku sedu suma kasa ku kai; N na tapa si burakus, N na repara kaus ku dana, N na torna kumpul suma ki staba na tempu antigu,
12pa e pudi manda riba di kilis di EdonNum 24.18 ku sobra, ku tudu nasons ku ta comadu pa ña nomi.” Asin ku SIÑOR, ku ta fasi e kusas, fala.
13SIÑOR fala mas:
“Dias na bin ku kil ku na labra
na yangasaSir 26.5; Joe 3.18 kil ku na kebra.
Kil ku na masa uvas
na yangasa kil ku na sumia.
Na montis ku montisiñus
i na ten manga di biñu nobu.
14N na ribanta ña pobu IsraelIs 61.4; 65.21; Jer 30.3 di katiberasku.
E na torna kumpu prasas ku danadu,
e na mora nelis;
e na paranta ortas di uva, e bibi se biñu;
e na fasi ortas, e kume se fruta.
15N na paranta elis na se tera;
nunka mas e ka na rinkadu na tera ku N da elis.”
Asin ku SIÑOR bu Deus fala.
Who We AreWhat We EelieveWhat We Do
2025 by iamachristian.org,Inc All rights reserved.
