Isaias 34 - Portuguese Creole Bible, Guinea-Bissau

Deus na kastiga nasons

1Abos nasons, bo ciga pa obi; abos rasas, bo sukuta! TeraLei 32.1; Sal 49.1 pa i obi, ku tudu ku sta nel, mundu ku tudu kil ku padidu nel.

2SIÑOR ten raiba kontra tudu nasons; si raiba forti sta riba di tudu se tropas. I na kaba ku elis tudu, i ntrega elis pa matansa.

3Se mortus na botadu, e na fedi. Se sangi na lagua na montis.

4Sol, lua ku strelasSal 102.25-26; Ez 32.7-8; Mat 24.29; 2 Ped 3.10; Apok 6.12-14 na disparsi; seu na roladu suma libru di rolu. Tudu strelas na kai suma ku fojas ta konkoñi di pe di uva, o suma figu ta konkoñi di si pe.

5Ña spadaJer 46.10 bibi li na seu tok i cami; ali i na disi riba di Edon pa julga elis, ki pobu ku N na ntrega pa e kabadu ku el.

6Spada di SIÑOR i kubridu di sangi ku gurdura — sangi di karnelsiñus ku kabras macu, gurdura di rins di karnel macu. SIÑOR tene sakrifisiu naKap 63.1; Jer 46.10; 49.13; Ez 39.17; Am 1.12; Sof 1.7 Bozra, i tene garandi matansa na tera di Edon.

7Omis forti ku jovens ku tropas mas di idadi e na kai juntu ku elis. Se tera na bibi sangi tok i farta; reia na fika gros di gurdura.

8Kila na sedu dia di vingansaKap 63.4 di SIÑOR, anu di difindi Sion, i geria pa el.

9Rius di Edon na torna pretu suma alkatron; reia di si tera na bida nŝofri; si tera na sedu suma alkatron ku na yardi.

10Fugu ka na pagaLei 29.23; Mal 1.4; Apok 14.11; 18.18; 19.3 nin di dia nin di noti; si fumu na subi pa sempri. Con na fika suma lala di un manjuandadi pa utru; nunka mas ningin ka na pasa la.

11Pilikanu ku kuruẑaKap 13.21-22 na toma konta di tera, orisu ku korvu na mora la. Deus na midil i kunfundil; i na probal ku nivel, i kaba ku el.

12E na coma algin pa rena, ma i ka na ten; tudu se ŝefis na disparsi.

13Spiñus ku utru fididasKap 32.13 ku paja brabu na toma konta di se palasius ku kuartelis; i na sedu moradia pa kacur brabu ku avestruz.

14Limarias brabu di matu na kontra ku lubus; kabra-matu na coma ŋutru. Kriaturas ku ta sai di noti na oja kau di dita, e diskansa la.

15Kuruẑa na kumpu si niñu la, i bota si ovu, i kencil, i kria si pintons bas di sombra di si asas. Tambi falkon na junta la, kada un ku si kumpañer.

16Bo buska na libru di SIÑOR, bo lei. Nin un de kriaturas ka na falta; nin un ka na fika sin si kumpañer, pabia i boka di SIÑOR ku fala asin; i si Spiritu ku na junta elis.

17I el propi ku midi tera, i rapatilSal 78.55 entri elis, kada kin ku si parti. I na pasa di pape pa fiju; e na tenel pa sempri.