Apokalipsi 21 - Portuguese Creole Bible, Guinea-Bissau

Nobu seu ku nobu tera

1N oja un nobu seuKap 20.11; Is 65.17 ku nobu tera, pabia purmeru seu ku purmeru tera pasa ja. Mar ka ten mas.

2Ami Jon, N oja prasa di Deus ku comadu nobuKap 3.12 Jerusalen, ku Deus disinti di seu, pruntiadu suma noivaKap 21.9; 19.7; 22.17; Is 61.10 ku fajadu pa si noivu.

3N obi un garandi vos ku sai na tronu, ku na fala: “Gosi ja Deus ten si morada na metadiSir 26.12 di jinti. I na mora ku elis, e na sedu si pobu. Deus propi na sta ku elis, i na sedu se Deus.

4I na limpa tudu larmaKap 7.17; Is 25.8; 35.10; 61.3; 65.19; 1 Kor 15.26,54 na se uju. Mortu ka na ten mas, nin tristesa, nin cur, nin dur, pabia purmeru kusas pasa ja.”

5Kil ku sinta na tronu i fala: “Jubi, N na fasi tudu kusa2 Kor 5.17 nobu.” I fala mas: “Skirbi, pabia e palabraKap 19.9; 1 Tim 1.15 i bardadi, i di fiansa.”

6I torna falan: “I sedu ja. Ami i AlfaKap 1.8 ku Omega, kumsada ku kabantada. Kin ku tene sedi, N ta patil yaguIs 12.3; 55.1; Jon 7.37 di ki fonti di yagu ku ta da vida.

7Kil ku ngaña, i na yarda tudu e kusas. Ami N na sedu siJer 30.22; 2 Kor 6.16-18; Eb 8.10 Deus, el i na sedu ña fiju.

8Ma pa kilisKap 20.14; 22.15; 1 Kor 6.9-10 ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”

Nobu Jerusalen

9Un di ki seti anjuKap 15.1 ku teneba ki seti tiẑela ku inci ku seti kastigu di kabantada bin i falan: “Bin pa N mostrauKap 21.2 noiva, minjer di Karnel.”

10I leban na spiritu pa un monti garandi, altu, i mostran Jerusalen, prasa di Deus, ku Deus na disinti di seu.

11I teneba gloria di Deus; i na lampra suma pedra di garandi balur, suma ki pedra ku ta comadu jaspi, klaru suma vidru finu.

12I teneba un garandi muraEz 48.30-34 altu ku dozi porton; i staba dozi anju na portons. Nomis di dozi jorson di Israel staba skritu na portons.

13I tenba tris porton na ladu ku sol ta nasi, tris na norti, tris na sul, tris na ladu ku sol ta kai.

14Mura di prasa teneba dozi pedra di alisersu; nomis di dozi apostoluMat 16.18; Ef 2.20 di Karnel staba skritu nel.

15Anju ku na falaba ku mi i teneba un kanaKap 11.1; Zak 2.1-2 di uru pa midi prasa ku si porton ku mura.

16Prasa teneba forma di kuadradu; si kumprimentu ku largura e justa. I midi prasa ku kana; i sai dus mil i kuatrusentus kilometru. Si kumprimentu, largura ku altura tudu justa.

17Tambi i midi mura; i teneba sesenta metru, konformi midida di omi. I el ku anju na usaba.

18Mura kumpuduba ku jaspi; prasa seduba di uru puru ku parsi vidru limpu.

19Alisersu di mura di prasa i fajaduba ku tudu koldadi pedra diSai 28.17-20; Is 54.11-12 balur. Purmeru alisersu sedu di jaspi, sugundu i di safira, terseru i di kalsedônia, di kuatru esmeralda,

20di sinku sardônika, di seis sárdiu, di seti krisólitu, di oitu yagu-meriña, di novi topaziu, di des krisóprasu, di onzi jasintu, di dozi ametista.

21Ki dozi porton seduba dozi pérola; kada un porton i un pérola son. Ruas di prasa sedu di uru puru, klaru suma vidru.

22N ka oja nin templu na prasa, pabia si templu i Siñor Deus ku ten tudu puder, ku Karnel tambi.

23Prasa ka pirsisa di solKap 22.5; Is 24.23; 60.19-20 nin di lua pa numia nel, pabia gloria di Deus ku ta numial; Karnel ku sedu si kanderu.

24Nasons na yanda na si lus. ReisIs 60.3,5 di mundu na leba se gloria pa la.

25Si portons ka na ficaKap 22.5; Is 60.11,20 di dia; di noti ka ten la.

26Gloria ku rikesa di nasons na lebadu pa la.

27Nada ku ka limpuKap 22.14-15; Is 35.8 ka na yentra la, nin kilis ku ta fasi kusas di borgoña, o ku ta konta mintida, ma son kilis ku se nomi sta skritu na libruSai 32.32 di bibus di Karnel.