2 Timótiu 2 - Portuguese Creole Bible, Guinea-Bissau

Soldadu fiel di Kristu Jesus

1Abo, ña fiju, sedu forti pa fabur ku no ten na Kristu Jesus.

2Bu obi ña nsinamentuSai 35.34; Titu 1.9 dianti di manga di tustumuña. Da ki nsinamentu pa omis fiel, ku sedu kapas tambi di nsina utrus.

3Toma bu parti na sufrimentuKap 1.8; 4.5 suma bon soldadu di Kristu Jesus.

4Soldadu na sirvis militar i ta misti pa si kapiton kontenti ku el. Asin i ka ta mbaransa ku kusas di vida sivil.

5Tambi un lutadur1 Kor 9.25-27 ka ta risibi premiu si i ka luta diritu, suma ki regra di lutu.

6Labradur1 Kor 9.10 ku tarbaja i dibi di sedu purmeru pa goza di frutu di si tarbaju.

7Kuda na kil ku N falau, pabia Siñor ta dau ntindimentu na tudu.

8Lembra di Jesus Kristu ku sedu di jorsonAt 2.24,29-32; Rom 1.3-4 di Davi, ku lantandadu na metadi di mortus, konformi Bon Noba ku N ta konta.

9Pabia di konta e Bon Noba ku manda N na sufri, tok N puduEf 3.1 korenti, suma kin ku fasi mal, ma palabra di Deus ka sta maradu.

10Asin N na sufri2 Kor 1.6; Ef 3.13 tudu pa amor di kilis ku Deus kuji, pa elis tambi e yangasa salbason ku sta na Kristu Jesus, ku gloria ku ka ta kaba.

11Es i palabra1 Tim 1.15 ku bu pudi fia nel:

“Si no muriRom 6.5,8; 2 Kor 4.10 ku el, tambi no na vivi ku el.

12Si no fika firmi, tambi no naApok 22.5 rena ku el.

Si noLuk 12.9 negal, el tambi i na neganu.

13Si no ka sedu fiel, el i na seduNum 23.19; Rom 3.3-4 fiel na mesmu,

pabia i ka pudi nega si kabesa.”

Un bon tarbajadur

14Lembranta elis e kusas; bu avisa elis ku tudu seredadi dianti di1 Tim 1.4; 5.21 Deus pa e para purfia aserka di palabras, pabia i ka ta juda nada, ma i ta dana kilis ku na obi.

15Fasi forsa pa bu sedu algin ku Deus kontenti ku el, suma un tarbajadur ku ka tene nada ku ta pul burguñu, ku sibi tarbaja diritu ku palabra di bardadi.

16Libra di kombersas amonton di mundu, pabia kilis ku ta sta nel e ta fika e na lunjusi son di Deus.

17Se palabra i suma caga ku ta lastra. Imeneu1 Tim 1.20 ku Filetu i di ki koldadi;

18e disvia di bardadi, e fala kuma resureisonMat 22.23 pasa ja. Asin e dana fe di utru krentis.

19Deus pui un alisersuMat 7.24-25; 16.18; 1 Kor 3.10-11; Ef 2.20; Eb 11.10 firmi ku ka pudi bulbulidu; riba del i skirbidu e palabra: “Siñor kunsiNum 16.5; Naun 1.7; Jon 10.14-15 kil ki di sil.” Tambi i fala: “Kil ku ta coma nomi di Siñor dibi di lunjusi di fasi mal.”

20Na kasa garandi i ka ta ten son losa di uru ku prata, ma tambi i ta ten di madera ku diRom 9.21 lama. Utru i pa usa na bon lugar, utru na lugar mas bas.

21Si un algin limpa si vida de kusas mau, i ta sedu suma ki losa di lugar di onra, separadu pa Mestre usal, purparadu pa tudu bon tarbaju.

22Libra di diseẑu forti di nobresa, bu buska yanda1 Tim 6.11 diritu, ku fe, amor ku pas, juntu ku kilis ku ta coma nomi di Siñor ku korson puru.

23Lunjusi1 Tim 1.4 di purfias di tulesa di kilis ku ka sibi nada, ku bu sibi i ta tisi son jus.

24Servu di Siñor ka dibi di1 Tim 3.2-3; Titu 3.2 jusia, ma pa i sedu bon ku tudu jinti, bon pursor, ku ten pasensa,

25mansuMat 11.29; Gal 6.1 pa raprindi kilis ku sta kontra, pa talves Deus ta da elis ripindimentu, pa e pudi kunsi bardadi.

26Asin se juisu ta torna diritu, e ta kapli di lastru di diabu ku prindiba elis, i pui elis pa e obdisi si vontadi.