2 Reis 16 - Portuguese Creole Bible, Guinea-Bissau

Akaz, rei di Judá(2 Kron 28.1-27)

1Na anu 17 di renansa di Peka, fiju di Remalias, Akaz,1 Kron 3.13; Is 1.1; 7.1; Mat 1.9 fiju di Jotan, kumsa rena riba di Judá,

2ku vinti anu di idadi; i rena disaseis anu na Jerusalen. I ka yanda diritu dianti di SIÑOR si Deus, suma ku si pape Davi yandaba,

3ma i yanda na kamiñu di reis1 Re 12.28-30 di Israel, tok i pui si fiju pa i pasaSir 18.21 na fugu, suma kustumus nujenti di nasons ku SIÑOR tiraba fora oca ku fijus di Israel na yentraba na tera.

4I sakrifika, i kema nsensu na kaus1 Re 14.23 altu, na montis, ku bas di tudu arvuri garandi.

5Rezin, reiKap 15.37 di Siria, ku Peka, fiju di Remalias, rei di Israel, e marŝa pa geria kontraIs 8.6-10 Jerusalen; e taja Akaz, ma e ka bin pudi ngañal.

6Na ki mesmu tempu Rezin, rei di Edon, serka judeus fora di Elat,Kap 14.22 i toma prasa. Jinti di Edon bai fika la; e sta la te aos.

7Akaz manda jinti pa Tiglat-Pileser,Kap 15.29 rei di Asiria, pa falal: “Ami i bu servu,1 Re 20.4,32-34 bu fiju tambi. Bin, bu libran na mon di rei di Siria ku rei di Israel, manera ke lanta kontra mi.”

8Akaz toma ki prata ku uruKap 12.18; 18.15; 1 Re 15.18 ku staba na kasa di SIÑOR ku na kuartu di rikesa di kasa di rei, i mandal suma pursenti pa rei di Asiria.

9Rei di Asiria seta, i marŝa kontra Damasku, i tomal, i leba pobu pa Kir, i mata Rezin.

Altar di Damasku

10Rei Akaz bai Damasku pa bai kontra ku Tiglat-Pileser, rei di Asiria. I oja la un altar,Lei 12.30 i ranja un amostra del, ku si diseñu kompletu, i mandal pa saserdoti Urias.

11Asin UriasIs 8.2 kumpu un altar konformi ki amostra ku rei Akaz mandalba di Damasku. I kabantal antis di rei riba.

12Oca ku rei ciga di Damasku, i oja ki altar, i ciga lunguNum 18.4-7; 1 Re 13.1; 2 Kron 26.16-19 del, i sakrifika nel,

13i kema un limaria la, ku oferta di kumida, i darma si oferta di bibida, i waga sangi di si ofertas di pas na ki altar.

14Ki altar sagradu di kobriSai 40.6,29; 2 Kron 1.5; 4.1 ku staba entri kasa di SIÑOR ku ki altar nobu, rei tiral di la, i pui lungu di si altar nobu, na banda di norti.

15Rei Akaz da ordi pa saserdoti Urias, i falal: “Usa ki altar garandi pa ofertas kemadu di parmañaSai 29.39-41; Num 28.2-10 ku ofertas di kumida di di noti, ku ofertas kemadu diSir 4.22-26; 1 Re 3.4 rei, ku si ofertas di kumida, ku ofertas kemadu di pobu ku se ofertas di kumida ku bibida. Bu ta waga nel tudu sangi di ofertas kemadu ku di utru sakrifisius. Ki altar di kobri na sedu pa mi, pa N pudi konsulta la.”

16Saserdoti Urias fasi tuduAt 4.19; 5.29 kil ku rei Akaz falal.

17Rei Akaz korta fojas di ki stantisKap 25.13-16; 2 Kron 4.14-15; 28.24; 29.19 movel, i tira basia ku staba riba delis. I tira ki bañera riba di turus di kobri ku staba bas del, i pul riba di un stanti di pedra.

18I tira tambi kau di abrigu ku kumpuduba na kasa di SIÑOR, i tapa entrada di fora nunde ku rei ta yentraba na kasa di SIÑOR, pabia di rei di Asiria.

19Tudu utru kusas ku pasa na renansa di Akaz, ku kil ki fasi, e sta skritu na libru di Storia di Reis di Judá.

20Akaz diskansa, i nteradu lungu di si papes na prasa di Davi. Si fiju Ezekias rena na si lugar.