Ezekiel 3 - Portuguese Creole Bible, Guinea-Bissau

1Dipus i falan: “Fiju di omi, kume e roluApok 10.8-10 ku sta bu dianti, bu bai papia ku pobu di Israel.”

2Asin N yabri ña boka; i dan ki rolu pa N kume.

3I falan: “Fiju di omi, kume e rolu ku N na dau, bu inci bu stomagu ku el.” N kumel; na ña bokaJer 15.16 N sintil dos suma mel.

4I falan: “Fiju di omi, bai pa pobu di Israel, bu konta elis ña palabras.

5Bu ka na mandadu pa un pobu ku ta papia lingua kansadu ku bu ka obi, ma bu na mandadu pa pobu di Israel.

6I ka pa nasons garandi ku ta papia utru lingua kansadu ku bu ka pudi obi si palabras. Si i pa elis ku N mandauba, na bardadi e naMat 11.21 obiuba,

7ma pobu di Israel ka na misti obiu, pabia e ka misti obin. Elis tudu e tene kabesa risu ku korson duru.

8N na fasiu duru, ntemus, pa bu pudi firma kontra elis.

9N na fasi bu rostu sumaIs 50.7 diamanti, mas forti di ki ki pedra mas duru di tudu. Ka bu mediKap 2.6 elis, nin pa e pantandau ku se rostu, pabia e sedu pobu disobdienti.”

10I falan: “Fiju di omi, pui sintidu, bu obi tudu ña palabras ku N na falau.

11Bai pa bu parentis ku sta na katiberasku, bu papia ku elis; nin si e obiuKap 3.27; 2.5-7 o e nega obiu, bu na fala elis: ‘Asin ku SIÑOR Deus fala.’ ”

12SpirituKap 8.3; At 8.39 lantandan; N obi ña tras un baruju forti. (Gloria di SIÑOR pa i ngabadu na si morada!)

13I seduba baruju di asas di ki kriaturas bibu ku na rosa na ŋutru, ku baruju di rodas lungu delis, un baruju forti suma turbada.

14Spiritu lantandan, i leban. N bai ku tristesa, turmentadu na ña spiritu, ma mon di SIÑOR staba forti riba di mi.

15N ciga na Tel-Abib, nunde ku katibus moraba lungu di riu Kebar. N mora juntu ku elis, N fika na se metadi seti dia; N sinti dimiradu tok N ka pudiJo 2.13 papia.

Sintinela di Israel(Ez 33.1-9)

16Ki seti dia pasa; SIÑOR bin papia ku mi, i falan:

17“Fiju di omi, N fasiu sintinela pa pobu di Israel. Bu na obi ña palabra, bu na pasanta ña avisus pa elis.

18Si N fala un omi mau kuma i na muri, bu ka avisal, bu ka falal pa i disa si kamiñu mau pa salba si vida, i na bin muri na si pekadu, ma N na pidiu pa bu da konta di si mortu.

19Si bu avisa ki omi mau, i ka konverti di si mau kamiñu ku kusas mau ki na fasi, i na bin muri na si pekadu, ma i ta kontra bu libraAt 20.26-27 bu kabesa.

20“Tambi si un omi bon disviaKap 18.24; 33.12-13,18; 2 Ped 2.20 di si bon kamiñu, i kumsa na fasi mal, tok N bin pui un kusa si dianti pa i da tapada; manera ku bu ka avisal, i na bin muri na si pekadu. Ki kusas bon ki fasiba e ka na lembradu, ma N na pidiu pa bu da konta di si mortu.

21Si bu avisa ki omi bon, bu falal pa ka i peka, i ka peka, na bardadi i na bibu, pabia i seta avisu. I ta kontra bu libra bu kabesa.”

Ezekiel na fika mudu

22SIÑOR pui si mon riba di mi, i falan: “Lanta, bu bai pa kobon, nunde ku N na bin papia ku bo.”

23N lanta N bai pa kobon; gloria di SIÑOR staba la suma gloriaKap 1.28; 8.4 ku N oja lungu di riu Kebar. N kai ku rostu na con.

24Spiritu yentraKap 2.2 na mi, i lantandan pa N firma; i papia ku mi, i falan: “Fiju di omi, yentra na bu kasa, bu fica porta,

25pabia e na marauKap 4.8 ku kordas; bu ka na pudi sai na metadi di jinti.

26N na pui bu lingua pa i kola na boka; bu na fikaLuk 1.20 mudu, bu ka na pudi raprindi ki pobu disobdienti,

27ma ora ku N papia ku bo, N na yabriuKap 2.5-7; 24.27; 29.21; 33.22 boka. Bu na fala elis: ‘Asin ku SIÑOR Deus fala.’ Kin ku misti obi, pa i obi; kin ku ka misti obi, pa i disa, pabia e seduKap 12.2-3; 44.6 un pobu disobdienti.