Ditus 25 - Portuguese Creole Bible, Guinea-Bissau

Mas ditus di Salomon

1Es tambi i ditus di SalomonKap 1.1 ku omis di Ezekias,2 Kron 29.1 rei di Judá, kopia.

2Gloria di DeusLei 29.29; Rom 11.33-34 i pa kubri kusas; gloria di reis1 Re 3.16-28; 4.29-34 i pa diskubri sigridu.

3Nunka no ka pudi kunsi pensamentu di rei; i altu suma seu, i fundu suma mar.

4Si bu tira impuresaIs 1.25; Mal 3.3; 2 Tim 2.21 di prata, algin ku ta tarbaja ku metal i pudi kumpu un vasu bonitu.

5Si bu tiraKap 20.8 konsijaduris mau dianti di rei, si tronu i ta firmantaduKap 16.12 ku justisa.

6Ka bu sedu orgulyosu dianti di rei, nin ka bu bai toma lugar na metadi di garandis.

7Minjor bu peraKap 16.19; 27.2; Luk 14.8-10 pa e falau: “Subi li” te pa e bin cigantau pa da lugar pa un ŝef.

8Kil ku bu oja, ka bu janti pa bai kontal na tribunal. Ke ku bu na fasi na fin si bu kumpañer bin pou na borgoña?

9Si bu tene purblemaKap 11.13; Mat 5.25; 18.15-17 ku bu visiñu, tratal ku el; ka bu kontal la fora,

10pa i ka bin obil, i bin pou na borgoña, bu ta bin tene mau nomi.

11Palabra papiadu na ora sertuKap 15.23 i ten balur suma fruta di uru na bandeẑa di prata.

12Omi jiru ku konsija alginKap 15.5,31-32; 27.5-6; Sal 141.5 ku sta pruntu pa obi, i ten balur suma brinkus di uru ku fiu di uru puru.

13Algin fiel ku leba rekadu i ta kontentaKap 13.17 si patrons ku mandal, suma yagu fresku na tempu di kebur.

14Kil ku ta purmiti kusas, ma i ka da, i suma nuven ku bentu ku ka2 Ped 2.17-19 tisi cuba.

15Ku pasensaKap 15.1; 16.14; 1 Sam 25.14,24; Ekl 10.4 bu pudi konvensi rei; ku palabras kalmu bu pudi kebranta os.

16Si bu oja mel,Kap 25.27; 24.13 kume kil ku justau, pa bu ka pasanta, bu bin ramasal.

17Ka bu ba ta sta na kasa di bu kumpañer sempri, pa ka i bin ŝatia ku bo, i disgosta di bo.

18Omi ku ta lantanda falsu tustumuñu kontra si kumpañerKap 6.19; 12.18; Jer 9.3,8 i suma martel o spada o fleŝa fiadu.

19Algin infiel ku bu misti fiansa nel na tempu di foronta, i suma dinti ku kebra, o peIs 36.6; Ez 29.6-7 ku sai na si lugar.

20Kil ku kanta kantigaSal 107.3-4; Ekl 3.4; Dan 6.18; Rom 12.15 pa algin tristi i suma ki na dispil na un dia di friu, o i na tokal na si caga.

21Si bu inimiguSai 23.4-5; Mat 5.44; Rom 12.20-21 tene fomi, dal di kume; si i tene sedi, dal yagu pa i bibi.

22Si bu fasi asin, bu na pul rostu kinti ku borgoña; SIÑOR na pagau.

23Bentu di norti ta tisi cuba; lingua finjidu di papiadur ta tisi rostu di raiba.

24I minjorKap 21.9,19 mora na un kantu di kasa di ki mora na un kasa garandi ku minjer jusiadur.

25Bon nobasKap 15.30; Is 52.7; Naun 1.15; Luk 2.10-11 ku bin di un tera lunju i suma yagu fresku pa algin ku sta kansadu.

26Algin justu ku seta planu di un omi mau, i suma yagu ku funguli na fonti, o suma uju di fonti ku tene susidadi.

27I ka bon pa kume manga di mel,Kap 25.16; 27.2 nin i ka bon pa buska rispitu pa bu kabesa.

28Omi ku ka pudi guberna si kurpuKap 16.32; 22.24 i suma prasa ku si mura dana.