Jo 42 - Portuguese Creole Bible, Guinea-Bissau

Jo baŝa dianti di Deus

1Jo ruspundi SIÑOR, i fala:

2“N sibi kuma bu pudi fasiKap 23.13; Kum 18.14; Is 14.27; 43.13; 46.10; Jer 32.17; Dan 4.35; Mat 19.26; Ef 1.11 tudu;

nin un di bu planus ka pudi mpididu.

3Bu punta: ‘Es i kin ku na bidanta ña planuKap 38.2 fusku

ku palabras sin kuñisimentu?’

Na bardadi N papia di kusas ku N ka ntindi,

kusas garandi dimas pa mi ku N ka pudi ntindi.

4“Bu falan: ‘Sukutan, ami N na papia;

N na puntau,Kap 38.3; 40.7 bu na ruspundin.’

5Ami N kunsiuba son pa kil ku N obi,

ma gosi ña uju ojau.

6E ku manda N njuti ña kabesa,

N ripindiKap 40.3-4; Esd 9.6; Dan 9.3 na reia ku sinsa.”

Deus raprindi amigus di Jo

7Dipus ku SIÑOR kaba papia e palabra ku Jo, i fala Elifaz di Teman: “N ten raiba kontra bo ku bu dus amigu, pabia bo ka fala kusas retu aserka di mi, suma ña servu Jo.

8Bo toma seti fiju di baka ku seti karnel macu, bo bai pa ña servu Jo, bo pursenta oferta kemadu pa bos. Ña servu Jo na ora pa bos; N na seta siTia 5.14-18 orason, pa N ka trata bos konformi bo tulesa, pabia bo ka fala kusas retu aserka di mi suma ña servu Jo.”

9Asin Elifaz di Teman, Bildad di Suá ku Zofar di Naama, e bai fasi konformi SIÑOR manda elis; SIÑOR bin seta orason di Jo.

Deus torna Jo si rikesa dobradu

10Dipus ku Jo ora pa si amigus, SIÑOR muda siSal 14.7; 53.6; 126.4 sorti; i dal dus bias mas di ki kil ki teneba.

11Tudu si ermonsKap 19.13-14 macu ku femia, ku tudu jinti ku tarda kunsilba, e bai falal manteña, e kume ku el na si kasa, e konsolal di tudu mal ku SIÑOR mandaba riba del. Kada kin dal diñeru ku anel di uru.

12SIÑOR bensua ultimu parti di vidaKap 1.2-3; 8.7; Tia 5.11 di Jo mas di ki purmeru, pabia i bin tene katorzi mil karnel, seis mil kamelu, dus mil turu ku mil buru.

13I teneba tambi seti fiju macu ku tris femia.

14I coma nomi di purmeru fiju femia Jemima, sugundu i coma Kezia, terseru i coma Keren-Apuk.

15Na tudu ki tera i ka tenba minjeris bonitu suma fijus di Jo. Se pape da elis yardansaNum 27.7 na metadi di se ermons.

16Jo vivi mas sentu i korenta anu; i oja si fijus, si netusDit 17.6 ku si bis-netus.

17Asin Jo muri ku bon bejisa, na idadiKap 5.26; Sal 91.16 avansadu.