Ezekiel 13 - Portuguese Creole Bible, Guinea-Bissau

Anunsiu kontra anunsiaduris falsu

1SIÑOR bin papia ku mi, i falan:

2“Fiju di omi, anunsia kontra anunsiaduris di Israel ku ta anunsia son kil ku bin na seJer 14.14 kabesa. Fala elis: ‘Bo obi palabra di SIÑOR.

3Asin ku SIÑOR Deus fala: Ai di anunsiaduris tulu ku ta sigi se propi ntindimentu, sin oja nada.

4Israel, bu anunsiaduris e sedu suma timbas na metadi di kau danadu.

5Bo ka bai jubi kau ku dana, nin bo ka kumpu muraKap 22.30; Sal 106.23,30 pa pobu di Israel, pa e pudi fika firmi na gera na dia di SIÑOR.

6E ta oja vison falsu; se adiviña i mintida. E ta fala: “Asin ku SIÑOR fala”; i ta kontraKap 22.28 SIÑOR ka manda elis, ma e ta pera kuma ki palabra na bin sedu.

7Nta bo ka oja vison falsu, bo ka konta adiviña di mintida oca ku bo fala: “Asin ku SIÑOR fala”, nkuantu nada N ka fala?

8“‘E ku manda SIÑOR Deus fala asin: Suma bo na papia kusas falsu, bo na oja vison di mintida, e ku manda N sta kontra bos. Asin ku SIÑOR Deus fala.

9Ña mon na sta kontra anunsiaduris ku oja visons falsu, ku ta konta adiviñas di mintida. E ka na pertensi kumunidadi di ña pobu, nin e ka na sta na reẑistuEsd 2.59-62 di pobu di Israel, nin e ka na yentraKap 20.38 na tera di Israel. Bo na sibi kuma N sedu SIÑOR Deus.

10“‘E ta ngana ña pobu, e taJer 6.14; 28.9 fala “Pas” ora ku pas ka ten. Si algin kumpu parediKap 22.28 di lama, e ta bai kaial.

11Asin bu na konta kilis ku na kaial sin roboka kuma, ki paredi na bin kai. Cuba garandi na bin; ami N na manda pedrasKap 38.22 garandi di jelu ku na kai, ku un bentu forti ku na raca paredi.

12Ora ku paredi kai, jinti na punta bos: “Kal ki purbitu di ki kal?”

13“‘E ku manda SIÑOR Deus fala asin: Na ña raiba N na manda bentu forti, ku cuba garandi, ku pedras garandi di jelu ku na kebra ki paredi.

14N na bati ki paredi ku bo kaia sin roboka, N na kebral te na con tok si alisersu na sai. Ora ki kai, bo na pirdi juntu ku el. Bo na sibi kuma ami i SIÑOR.

15Asin ku N na manda ña raiba kontra ki paredi ku kilis ku kaial sin roboka; N na fala bos: “Paredi ku kilis ku kaial e ka sta ja,

16ku sedu anunsiaduris di Israel ku anunsiaba aserka di Jerusalen kuma e oja vison di pas pa el, kontra pas ka ten. Asin ku SIÑOR Deus fala.” ’

17“Abo, fiju di omi, pui bu rostu kontra fijus femia di bu pobu ku ta anunsia kusas ku ta sai na se kabesa. Anunsia kontra elis,

18bu fala elis kuma asin ku SIÑOR Deus fala: ‘Ai di kilis ku ta kusi kusas suma guarda pa mara na mon, ku lensus pa mara na kabesa di jinti, pa ten puder riba delis. Nta bo na montia vida di ña pobu? Ma bo na guarda bo propi vida!

19Bo dana ña nomi na metadi di ña pobu, pa mon ku inci sevada o pa padasDit 28.21; Mik 3.5 di pon. Bo mata jinti ku ka dibi di muri; bo salba vida di kilis ku ka dibi di fika bibu. Bo konta ña pobu mintida; e sukutal.

20“‘E ku manda SIÑOR Deus fala: N sta kontra ki mesiñus di guarda ku bo ta pui pa montia jinti suma kacus. N na rinka elis na bo mon, N na liberta jinti ku bo prindi suma kacus.

21Tambi N na rumpi bo lensus, N na libra ña pobu na bo mon. Nunka mas e ka na sta na bo puder. Bo na sibi kuma ami N sedu SIÑOR.

22Ku mintidaJer 28.15 bo pui tristesa na korson di bon jinti ku N ka pui tristesa nelis. Bo da koraẑen pa omi mau pa ka i konverti di si mau kamiñu pa salba si vida.

23Pabia di kila bo ka na torna ojaKap 12.24; Mik 3.6 vison di mintida, nin bo ka na fasi adiviña. N na libra ña pobu na bo mon. Bo na sibi kuma ami N sedu SIÑOR.’ ”