Sirmonias 27 - Portuguese Creole Bible, Guinea-Bissau

Leis aserka di ofertas pa SIÑOR

1SIÑOR fala Moisés

2pa i papia ku fijus di Israel, i konta elis: “Si un omi fala kuma i na dedika un algin pa SIÑOR, i na da konformi balur ku bu na pui na ki algin.

3Si i un macu di idadi di vinti te sesenta anu, bu na pui balur di sinkuenta mueda di prata konformi mueda di siklu di kau sagradu.

4Si i femia, bu na pui si balur pa i sedu trinta

14“Si un omi misti dedika si kasa pa i sedu sagradu pa SIÑOR, saserdoti na pui pres, konformi i jubi si i bon o mau. Pres ki pui, asin ki na sedu.

15Si ki omi ku dedika kasa bin misti kumpral mas, i na buri un kintu riba di pres; kasa na torna sedu di sil.

16“Si un omi dedika pa SIÑOR un parti di terenu di si familia, si balur na pudu konformi kuantia di simentera ku na pirsisadu: sinkuenta mueda di prata pa duzentus litru di simentera di sevada.

17Si i dedika si terenu disna di anu di jubileu, i na fika konformi balur ki pudu,

18ma si i dedika si terenu dipus di anu di jubileu,Kap 25.10,15 saserdoti na kalkula pres na diñeru konformi numeru di anus ku na falta te na anu di jubileu. Asin ki purmeru balur na riantadu.

19Si kil ku dedika terenu bin misti torna kumpral, i na buri mas un kintu na balur ki pudu; terenu na sedu di sil.

20Si i ka torna kumpral, ma i bai bindil pa utru algin, nunka mas i ka na pudi kumpral.

21Ora ku ki terenu fika libri na anu di jubileu, i na sedu sagradu suma un terenu separaduKap 27.28; Num 18.14 pa SIÑOR; i na pasa sedu di saserdoti pa sempri.

22“Si un omi dedika pa SIÑOR terenu ki kumpra, ma i ka sedu gora terenu di si familia,

23saserdoti na pui balur konformi tempu ku falta te na anu di jubileu. Omi ten ku paga si pres na ki mesmu dia, suma un kusa sagradu pa SIÑOR.

24Na anu di jubileu, terenu na tornadu na mon di kil ku bindilba purmeru, ku sedu propi dunuKap 25.10,25,28 di terenu.

25Kada pres ku bu na pui i na sedu konformi siklu di kau sagradu, ku seduEz 45.12 vinti jera.

26“Ningin ka pudi dedika purmeru fiju di un limaria, pabia purmeru fiju sedu jaSai 13.2; Num 18.15-17; Lei 15.19 di SIÑOR; nin ki sedu fiju di baka, o di karnel, i di SIÑOR.

27Si i sedu un limaria impuru, si dunu na torna kumpral, konformi pres ku bu pui, ma i na buri un kintu riba di si balur. Si i ka torna kumpral, limaria pudi bindidu konformi balur ku bu pui.

28“Ningin ka pudi bindi, nin torna kumpra, kil ki teneba, ma i dedikal pa SIÑOR, nin si i omi o limaria o terenu di si familia; tudu kil ki dedika de manera i sagradu dimas pa SIÑOR.

29Nin si i omi ku dedikadu de manera, ningin ka pudi torna kumpral; i ten ku matadu.

30“Un dizimuKum 14.20 di tudu prudutu di con ku fruta di arvuris i di SIÑOR; i sagradu pa el.

31Si un algin torna kumpra kualker parti di si dizimu, i ten ku buri un kintu parti riba di si balur.

32Tudu dizimu di bakas ku karnelis, ku sedu kada desimu limaria ku pasa bas di varaJer 33.13; Ez 20.37 di bakiadur, i na sedu sagradu pa SIÑOR.

33Si dunu ka na distingi bon nin mau na metadi di limarias, nin i ka na torkiaKap 27.10 un pa utru. Si i torkial, ki limarias tudu ku kil ki pui na si lugar e na sedu sagradu; i ka pudi torna kumpra elis.”

34Esis i mandamentus ku SIÑOR da Moisés na monti Sinai pa pobu di Israel.