2 Samuel 7 - Portuguese Creole Bible, Guinea-Bissau

Davi misti kumpu kasa pa SIÑOR(1 Kron 17.1-15)

1Dipus di rei Davi sinta ja na si kasa, SIÑOR dalba ja diskansu di tudu inimigus na si roda,

2rei fala anunsiadurKap 12.1; 1 Re 1.8; 1 Kron 29.29 Natan: “Jubi, N mora na kasa ku kumpudu kuKap 5.11; Aẑeu 1.4 sedru, ma arka di Deus sta inda dentru di kurtinas.”

3Natan ruspundi i fala rei: “Bai bu bai fasi tudu ku sta na bu korson, pabia SIÑOR sta ku bo.”

4Na ki di noti propi, SIÑOR bin papia ku Natan, i falal:

5“Bai konta ña servu Davi kuma N na puntal: ‘Abo, bu na kumpun kasa pa N mora nel?

6N ka mora na nin un kasa disna di dia ku N tira fijus di Israel na Ejitu te aos, ma N yanda di un ladu pa utru son ku tenda.Sai 40.18-19,34

7Nta na kualker lugar ku N yanda ku tudu fijus di Israel, N ciga di papia ku kualker di se ŝefis ku N pui pa e gia ña pobu Israel, o N punta elis ke ku manda e ka kumpun kasa di sedru?’

8“Asin bu ta fala ña servu Davi kuma, asin ku SIÑOR ku ten tudu puder fala: ‘N tirau na kau ku bu ta bakiaba1 Sam 16.11-12 karnel nel, pa bu sedu rei di ña pobu Israel.

9N staba ku bo na tudu kau ku bu yanda, N bai bu dianti, N kaba ku bu inimigus. N na fasi bu nomi pa i kunsidu, suma nomi di jinti mas garandi na mundu.

10N na ranja kau pa ña pobu Israel, N na paranta elisSal 80.8; Jer 24.6; Ez 37.25-27; Am 9.15 pa e mora na se tera, pa e ka torna bulbulidu, pa nunka mas jinti mau ka kastiga elis suma ke ta fasiba

11disna di dia ku N pui ŝefisŜef 2.14-16 riba di ña pobu Israel, ma N na diskansau di tudu bu inimigus. Tambi SIÑOR na kontau kuma el propi i na firmanta1 Re 2.24; 9.5; 11.38; 1 Kron 22.10 bu jorson.

12“‘Ora ku bu vida kaba, bu muri, bu diskansa ku bu papes, N na lantanda un di bu familia, ku sedu bu fiju propi, pa i toma bu lugar; N na firmanta si renansa.

13I el ku na kumpun kasa1 Re 5.5; 6.12; 8.17-20; 1 Kron 22.9-10; 28.6-10; At 7.47 pa ña nomi; N na konfirma tronu di si renansa pa sempri.

14N na sedu si pape; i na sedu ña fiju. Si i fasi mal, N na kastigalSal 89.20-37; Eb 12.5-11; Apok 3.19 suma ku pape ta kastiga si fiju; N ka na maina sutal,

15ma N ka na para judal suma ku N para juda Saul, kil ku N tira pa bu pudi toma si lugar.

16Bu familia ku bu renansa na sta sempriKum 49.10; Dan 2.44; 7.14; Eb 1.8; Apok 11.15 ña dianti; bu tronu na konfirmadu pa sempri.’ ”

17Natan ripiti pa Davi tudu ki palabras, ku kusa ku Deus mostral.

Orason di Davi(1 Kron 17.16-27)

18Rei Davi yentra, i toma si lugar dianti di SIÑOR, i falal:

“SIÑOR Deus, ami i kin? Ña familia i ke, manera ku bu tisin te li?

19Suma tudu ku bu fasin ja i sedu pikininu bu dianti, gosi bu fala tambi na familia di bu servu na tempus ku na bin. O SIÑOR Deus, nta asin ku bu kustuma ta fasi ku jinti?

20“Ke mas ku N pudi falau? Bu kunsi1 Sam 16.7; Sal 139; Jon 21.17 bu servu Davi diritu, o SIÑOR Deus!

21Pa kumpri bu palabra, konformi bu vontadi, bu fasi e kusa garandi, bu manda kontan el.

22“O SIÑOR Deus, abo i garandi dimas! I ka ten utru suma bo, nin i ka ten utru deusSai 15.11; Lei 3.24; 32.39; Is 45.5,18; Mik 7.18 si i ka abo, konformi tudu kusas ku no obi ku no orejas.

23Kin ku sedu suma bu pobu, Israel, ki un pobuLei 4.7-8,32-34; 10.21; 33.29; Rom 3.1-2 son ku Deus bai liberta pa e sedu si pobu? Ki kusas garandi, meduñu, ku bu fasi pa elis, e pui pa bu nomi kunsidu na tudu mundu. Bu tira fora utru nasons ku se deusis pa da se tera pa bu pobu ku bu libertaSai 12 di Ejitu.

24Bu konfirma bu pobu Israel pa e sedu bu pobuSai 19.5-6; Jer 11.4-5 pa sempri; abo, SIÑOR, bu bin sedu se Deus.

25“Gosi, o SIÑOR Deus, kumpri pa sempri ki palabra ku bu fala aserka di bu servu ku si familia; fasi konformi bu palabra,

26pa bu nomi pudi sedu garandi pa sempri, pa jinti pudi fala: ‘SIÑOR ku ten tudu puder i Deus riba di Israel.’ Jorson di bu servu Davi na konfirmadu bu dianti.

27“SIÑOR ku ten tudu puder, Deus di Israel, bu mostran e kusa, bu fala kuma bu na konfirma renansa na ña jorson. E ku manda N ngaña koraẑen pa fasiu e orason.

28Asin, o SIÑOR Deus, abo ki Deus, bu da e bon palabra pa bu servu; bu palabraNum 23.19; Jon 17.17 i di fiansa.

29Asin N pidiu fabur pa bu bensua ña jorson pa i pudi sta bu dianti pa sempri, pabia abo, SIÑOR Deus, bu da bu palabra; bu benson na sta sempri riba di jorson di bu servu.”