1Un di ki seti anju ku tene tiẑela bin pa mi, i falan: “Bin, N na mostrauKap 18.3; 19.2; Naun 3.4 kastigu di ki minjer di fama ku tene mau vida, ku sinta riba di manga diJer 51.12-13 yagu.
2I el ku reis di tera ta pekaba ku el. Jinti di mundu ntidu camibaJer 51.7 ku biñu di si mau vida.”
3Dipus i leban na spiritu pa un lala. N oja un minjer montadu riba di un besta di kor burmeju, ku kubridu ku nomis fiu kontra Deus; i teneba setiKap 12.3; 13.1 kabesa ku des cifri.
4Ki minjer bistiba ropaKap 18.11-12,16 kor di purpura ku burmeju, fajadu ku uru, pedras di balur, ku pérolas. I teneba na mon un kopu di uru ku inci indisensia ku susidadi di si mau vida.
5I staba skritu na si testa un nomi ku tenba sintidu di sigridu, ku fala: “GarandiKap 14.8; 16.19; 18.2,21 Babilonia, mame di mau vida ku kusas fiu di mundu.”
6N oja kuma ki minjer cami ku sangi di pobu di Deus, ku sangi di kilis ku mataduKap 6.9; 13.15; 16.6; 18.24 pabia e da tustumuñu di Jesus.
Oca N ojal, N pasma ku garandi dimirason.
7Anju puntan: “Pa ke ku bu dimira? N na splika sigridu di minjer, ku besta ki monta, ku tene seti kabesa ku des cifri.
8Ki besta ku bu oja i bibuba, ma gosiKap 11.7; 13.1,3,8 i ka bibu, ma i ten ku bin subi di abismu, pa i bai pa pirdison. Jinti ku sta na tera (kilis ku se nomi ka sta skritu, desdi ku mundu kumpudu, na libru di nomi di bibus) e na dimira ora ke oja besta ku bibuba, ku ka bibu gosi, ma i na torna bin.
9“Es i sintidu ku algin jiru ta pudi ntindi. Ki seti kabesa sedu seti monti ku minjer sinta riba del.
10Tambi e sedu seti rei; sinku kai ja, un na rena inda, ki utru inda ka bin. Ora ki bin, si renu ka na tarda.
11Besta ku bibuba, ku ka bibu gosi, el tambi i ta kompleta oitu rei. El i di ki seti rei; i na bai pa pirdison.
12“Ki des cifriDan 7.20 ku bu oja i des rei ku ka rena inda, ma e na dadu puder pa rena un ora juntu ku besta.
13Elis tudu e tene un mesmu sintidu; e na ntrega se forsa ku otridadi na mon di besta.
14E na geria kontra Karnel; Karnel na ngaña elis, pabia el i SiñorKap 19.16; Lei 10.17; 1 Tim 6.15 riba di tudu siñoris, Rei riba di tudu reis. Kilis tambi ku sta ku el, ki coma, iKap 14.4; 1 Ped 2.9 kuji, e sedu fiel, e na ngaña tambi.”
15Anju falan inda: “Ki yagu ku bu oja nunde ku ki minjer di mau vida sinta, i multidon di jinti, rasas, nasons ku linguas.
16Ki des cifri ku bu oja, ku besta, elis e na odia ki minjer di mau vida. E na tiralKap 18.8,10,16 tudu ki tene, e na disal nun. E na kume si karni, e na kemal na fugu,
17pabia Deus pui na se korson pa e fasi ke ki teneba na si sintiduKap 10.7 pa fasi; i pui elis pa e ten un sintidu son, pa e ntrega besta se otridadi, tok kil ku Deus fala bin sedu.
18“Ki minjer ku bu oja i ki garandi prasaKap 16.19 ku ta manda riba di reis di mundu.”
Who We AreWhat We EelieveWhat We Do
2025 by iamachristian.org,Inc All rights reserved.
