Ezekiel 18 - Portuguese Creole Bible, Guinea-Bissau

Kada kin sibi di si kabesa

1SIÑOR bin papia ku mi, i puntan:

2“Ke ku bo misti fala ora ku bo ripiti ki ditu aserka di tera di Israel? Bo ta fala kuma:

‘Papes kume uvas

14“Ma i pudi bin padi un fiju ku na jubi tudu pekadu ku si pape fasi. Mesmu ki ojal, i ka fasi nin un di ki kusas.

15I ka ta kume karni di ronia na kaus altu, ku fadi pa i jubi pa idulus di pobu di Israel. I ka ta kontamina minjer di si visiñu,

16i ka ta kalka ningin, nin i ka ta fika ku kusa di mpiñu si i pista; i ka ta furta, ma i ta da kumida pa kil ku tene fomi, i ta da ropa pa kil ku sta nun.

17I ta disvia si mon di pekadu, i ka ta seta toma kil ki ka dibi di toma. I ta obdisi ña leis, i ta fasi konformi ña regras. E tipu di omi, i ka na muri pabia di pekadu di si pape; i naRom 2.7 bibu.

18Si pape na muri pabia di si pekadu, manera ki kalka jinti, i furta kusas di si ermon, i fasi kil ku ka sedu bon na metadi di si pobu.

19“Ma bo na punta: ‘Ke ku manda fijuSai 20.5; 2 Re 23.26; 24.3-4 ka na leba kulpa di si pape?’ I pabia fiju fasi kil ki justu i bon, i obdisi tudu ña leis, i yanda nelis; e ku manda i na bibu.

20Algin ku peka, i el ku naLei 24.16 muri. Fiju ka na leba kulpa di si pape, nin pape ka na leba kulpa di si fiju. Bondadi di omi bon na fikaIs 3.10-11; Rom 2.9-10 pa el; maldadi di omi mau na kai riba del.

21“Si un omi mau konvertiKap 18.27; 33.12,19; Jer 18.8 di tudu pekadu ki fasi, i obdisi tudu ña mandamentus, i fasi kil ki bon i justu, na bardadi i ka na muri; i na bibu.

22Nin un di ki pekadus ki fasiba ka na lembradu kontra el. Pabia di kusas bon ki fasi i na bibu.

23Asin ku SIÑOR Deus punta: Nta mortu di omi mau ta tisin kontentamentu? Nau! Kusa ku N mistiKap 18.32; 33.11; 1 Tim 2.4; 2 Ped 3.9 i pa i konverti di si kamiñu, pa i bibu.

24“Si un omi bon disviaKap 3.20; 33.18; Eb 10.38; 2 Ped 2.20; 2 Jon 8 di si bondadi, i kumsa na peka, i fasi ki mesmu kusas nujenti ku omi mau ta fasi, nta i pudi bibu? Nin un di ki bon kusas ki fasi ka na lembradu. I na muri pabia i ka seduba fiel pa Deus, ma i fasi pekadu.

25“Bo na fala kuma kamiñuKap 18.29; 33.17,20; Lei 32.4; Sal 145.17 di SIÑOR i ka bon. Bo sukuta, abos pobu di Israel. Nta ña kamiñu i ka sedu bon? I ka bo kamiñu ku sedu tortu?

26Si un omi bon disviaKap 18.24 di si bondadi, i kumsa na fasi pekadu, i na muri pabia di kila. Pabia di pekadu ki fasi, i na muri.

27Ma si un omi mau konvertiKap 18.21 di ki maldadi ki fasi, i kumsa na fasi kil ki justu i bon, i na salba si vida.

28Manera ki bin pensa diritu, i konverti di tudu kusas mau ki fasi, i na bibu; i ka na muri.

29Mesmu asin, pobu di Israel na fala kuma kamiñu di SIÑOR i ka bon, ma N punta bos, pobu di Israel: I ka ña kamiñuKap 18.25 ku sedu bon? I ka bo kamiñu ku sedu tortu?

30“SIÑOR Deus fala: Abos, pobu di Israel, N na julgaKap 7.3; 33.20; 36.19; 39.24; Ekl 12.14; Rom 2.6 kada un di bos konformi si kamiñus. Bo konvertiMat 3.2; Apok 2.5 di tudu kusas mau ku bo na fasi; asin pekadu ka na pui pa bo kai.

31Bo tira tuduEf 4.22-23 bo maldadi ku bo ta fasi, bo ranja korson nobuKap 11.19 ku nobu spiritu. N punta: Ke ku manda bo misti muri, abos, pobu di Israel?

32N ka ta kontentiKap 18.23 ku mortu di ningin. Asin ku SIÑOR Deus fala: Bo konverti pa bo bibu.”