Salmus 142 - Portuguese Creole Bible, Guinea-Bissau

Maskil di Davi. Un orason oca ki staba na kaverna (1 Sam 22.1)

1N yalsa ña vos, N coma SIÑOR,

N fasi ña rogu pa SIÑOR ku vos altu.

2N pui ña keŝa si dianti,

N kontal tudu ña kasabi.

3Oca ku ña spiritu na dismaja dentru di mi,

i abo ku kunsi kau ku N staba.

Na kamiñu ku N na yandaba, e sukundi armadilia.

4N jubi na ña direita, N oja kuma

i ka ten kin ku kunsin, nin kau di suguransa;

ningin ka bin toma konta di mi.

5Abo ku N coma, SIÑOR; N fala:

“Abo i ña kau suguru;

abo i ña kiñonKap 119.57 na tera di jinti bibu.”

6Kudin si N comau, pabia N sta disisperadu;

libranKap 7.1 di ña pirsigiduris,

pabia e sedu mas forti di ki mi.

7Tiran na kalabus, pa N pudi ngaba bu nomi.

Asin, justus na bin rodian, pabia di bu bondadi pa mi.