Zakarias 13 - Portuguese Creole Bible, Guinea-Bissau

Limpesa di pekadu

1“Na ki dia, un fontiEb 9.14 na yabridu pa familia di Davi ku moraduris di Jerusalen, pa limpa elis di pekadu ku impuresa.”

2SIÑOR ku ten tudu puder fala: “Na ki dia N na tira di tera nomisSai 23.13; Os 2.17 di idulus; e ka na lembradu mas. Tambi N na tira anunsiaduris di tera, ku spiritu di impuresa.

3Si algin kontinua anunsia, si papeLei 13.6-9; 18.20 ku si mame ku padil na falal: ‘Bu ka na bibu, pabia bu konta mintida na nomi di SIÑOR.’ Si propi pape ku mame e na fural ora ki anunsia.

4“Na ki dia, kada un di anunsiaduris na sinti borgoñaMik 3.7 di si vison ora ki na anunsia, nin i ka na bisti mas ki manta di kabeluMat 3.4 tisidu, pa ngana jinti.

5I na fala: ‘N ka seduAm 7.14 anunsiadur, N sedu labradur di con; asin ku N sedu disna di ocan pikininu.’

6Si algin puntal: ‘Es i kal cagas ku bu tene na kurpu?’ i na ruspundil: ‘Es i cagas ku N paña na kasa di ña amigus.’ ”

Bakiadur sutadu, karnel pajigadu

7SIÑOR ku ten tudu puder fala: “O spada, disperta, bu lanta kontra ñaIs 40.11 bakiadur, ki omiJon 1.1 ku sedu ña kumpañer! MataMat 26.31 bakiadur; karnelis na pajiga. N na vira ña mon kontra pikininus.”

8SIÑOR fala: “Na tudu tera dus parti di pobu na kabadu ku el, ma ki terseru parti na sobraRom 11.5 na tera.

9N na pui ki terseru parti pa i pasa na fugu, N na purifikalIs 48.10; 1 Ped 1.7 suma ku prata ta purifikadu; N na probal suma ku uru ta probadu. Elis e na coma ña nomi; N na obi elis, N na fala: ‘Es i ñaKap 8.8; Jer 24.7 pobu;’ e na fala: ‘SIÑOR i no Deus.’ ”