1Jo ruspundi i fala:
2“Si ña dur ku ña kasabi
pudu na balansu, i pesadu diritu,
3na bardadi i na pesa mas di ki reia di mar.
E ku manda ña palabra turmentadu.
4FleŝasKap 16.12-13 di Deus ku ten tudu puder sta na mi;
ña spiritu na bibi se venenu.
Forontas meduñu di Deus e juntadu kontra mi.
5Buru di monti ka ta cora lungu di paja verdi;
Turu, si i na kume, i ka ta fasi baruju.
6Ma kumida ta sabi sin sal me?
O klara di ovu tene gustu?
7N ka ta misti kumida suma kila;
i ta fasin pa N duensi.
8“N misti pa Deus dan ki kusa ku N pidi;
el son ku N na pera,
9pa Deus sta pruntu pa kebrantan,
pa larga mon, pa kaba ku mi.
10Kusa ku ta seduba ña konsolason,
ku ta pun pa N jukuta ku kontentamentu
na ña dur ku ka ta disan,
i kuma N ka nega palabra di Deus santu.
11“Ke ku N na pera suma N ka ten ja forsa?
Ke ku manda ña vida na tarda si ña tempu kaba?
12Nta ña forsa i suma di pedra?
O ña karni i risu suma bronzi?
13N ka ten forsa pa juda ña kabesa.
Tudu ku pudiba judan, N tiradu el.
14“Amigu dibi di mostra amorDit 17.17; Eb 13.3 pa kil ku foronta,
mesmu ki para rispita Deus ku ten tudu puder.
15Ña ermons e sedu infiel pa mi,
suma riusiñu ku ta seku.
Utru ora i ta tene manga di yagu,
16i ta kubri ku jelu;
nevi ta sukundi nel,
Ora ki diskonjela,
i ta bin sedu korenti di yagu.
17Ma na tempu di kalur i ta seku,
i ta kalma, i pirdi na si lugar.
18Grupus di jinti ku sta na bias
e ta disvia di kamiñu pa jubi ki riu,
e ta bin pa lala, e pirdi.
19Jinti di TemaKum 25.15; Is 21.14; Jer 25.23 e na buska ki riu;
nogosiantis di SebáKum 10.7; 25.3; 1 Re 10.1; Ez 27.22-23; 38.13 na peraba pa ojal.
20E ciga la, e fika tarpajadu;
e fiansabaJer 14.3-4 kuma e na oja yagu,
ma e ka bin oja nada.
21Abos bo sta suma ki rius;
bo ojan suma kusa meduñu, bo medi.
22Nta N ciga di fala bos: ‘Bo dan un pursenti’?
O: ‘Bo patin un kusa di bo rikesa’?
23O N fala bos: ‘Bo libranNe 5.8 na mon di kil ku na kalkan’?
O: ‘Bo kumpran na mon di ŝefis mau’?
24“Bo nsinan, ami N na kala;
bo fasin ntindiKap 10.2 nunde ku N yara.
25Na bardadi, palabras retu ta de!
Ma es tudu ku bo fala, ke ki ta proba?
26Nta bo na buska manera pa raprindin,
suma ku ña palabras sedu suma bentu,
palabras di un omi ku pirdi speransa?
27Bo pudiba sta pruntu te pa juga sorti pa ngaña orfan,
o pa splora bo amigu.
28Bo ten pasensa, bo jubi pa mi,
bo na oja kuma N ka na konta mintida bo dianti.
29Bo torna pensa; ka bo akusan di pekadu.
Bo pensa diritu; bo na oja kuma N sedu justu.
30Nta pekadu sta na ña boka?
N ka pudi nota si N na papia palabras di maldadi?
Who We AreWhat We EelieveWhat We Do
2025 by iamachristian.org,Inc All rights reserved.
