1Jeosafá diskansa ku si papes, i nteradu juntu ku elis na prasa di Davi. Si fiju Jeoran1 Kron 3.11; Mat 1.8 toma si lugar na renansa.
2Jeoran teneba ermons: Azarias, Jeiel, Zakarias, Asarias, Mikael ku Sefatias. Esis tudu seduba fijus di Jeosafá, rei di Judá.
3Se pape pati elis manga di prata ku uru, ku mas utru kusas di balur. I nkarga elis ku utru prasas forti di Judá, ma i da renansa pa Jeoran, pabia el i purmeru fiju.
4Oca ku Jeoran staba ja forti na renansa, i mata tudu si ermons ku spada, ku utru ŝefis di Israel.
5Jeoran teneba trinta i dus anu oca ki yentra na renansa, i rena oitu anu na Jerusalen.
6I yanda na kamiñu di familia di Akab ku di utru reis di Israel, pabia i kasaba fijuKap 18.1 di Akab. I ta fasiba kusas mau dianti di SIÑOR.
7SIÑOR ka mistiba kaba ku renansa di jorson di Davi, pabia di kontratu2 Sam 7.12-17 ki fasiba ku el, oca ki falal kuma sempri i na ten algin di si jorson na renansa suma lus.
8Duranti si renansa edomeus ravolta, e nega fika bas di Judá, e ranja se propi rei.
9Jeoran lanta i bai ku si ŝefis, ku tudu si karus. Edomeus bin tajal ku si ŝefis di karus, ma di noti Jeoran lanta, i fura i kapli.
10Asin edomeus fika indipendenti di Judá te aos. Na mesmu tempu LibnaJos 10.29 tambi ravolta, i nega fika bas di ordi di Jeoran, pabia Jeoran bandona SIÑOR, Deus di si papes.
11I kumpu kaus altu di ronia na montis di Judá, i pincaKap 33.9; Apok 13.16-17 jinti ku mora na Jerusalen ku na Judá pa e bai fasi kusas nujenti kontra SIÑOR.
12I risibi karta ku anunsiadur Elias skirbiba, ku fala: “Asin ku SIÑOR, Deus di bu pape Davi, fala: ‘Bu ka yanda na kamiñus di bu pape Jeosafá, nin di Asa, rei di Judá,
13ma bu yanda na kamiñu di reis di Israel, bu pui jinti ku mora na Judá ku Jerusalen pa e fasi kusas nujenti, suma ku familia di Akab fasi. Tambi bu mata bu ermons, fijus di bu pape propi, jinti ku seduba mas minjor di ki bo.
14Asin SIÑOR na kastiga bu pobu ku garandi kastigu, ku bu minjeris ku fijus ku tudu ku bu tene.
15Abo tambi bu na sufri ciu ku duensa di bariga ku na piora puku puku, tok tripas sai.’ ”
16I tenba utru filisteus ku jinti di Arabia ku moraba pertu di kau nunde ku jinti di Etiopia moraba. SIÑOR cuci elis kontra Jeoran.
17E lanta e bai ataka Judá, e leba tudu rikesa ku ojadu na kasa di rei, suma tambi si minjeris ku si fijus; son ki fiju mas pikininu ku kapli, ku sedu Akazias.
18Dipus di kila tudu, SIÑOR manda riba del un duensa di ntistinus ku ka pudiba kuradu.
19Nkuantu dias na pasa, i fika i na piora son, tok i kompleta dus anu. Si ntistinus sai pabia di ki duensa meduñu; asin ki muri ku dur forti. Si pobu ka sindil fuguKap 16.14; Jer 34.5 pa onra si cur suma ke fasi pa si papes.
20I teneba trinta i dus anu oca ki yentra na renansa; i rena oitu anu na Jerusalen. I muri; ningin ka sinti pena del. E nteral na prasa di Davi, ma e ka pul na simiteriu di reis.
Who We AreWhat We EelieveWhat We Do
2025 by iamachristian.org,Inc All rights reserved.
