Isaias 35 - Portuguese Creole Bible, Guinea-Bissau

Gloria di renu di Mesias

1Lala ku tera seku na kontenti;

kau ku tene son reia na sintiKap 32.15; 55.12 kontenti,

i na pruduzi floris, suma rosa.

2Ki floris na ciu;

tera na kontenti dimas, i na kanta ku alegria.

I na bonitu suma Líbanu,

o suma Saron o monti di Karmelu.

E na oja gloria di SIÑOR,

ku garandesa di no Deus.

3Bo fortifika mons fraku,

bo tesanta jujusJo 4.3-4; Eb 12.12 ku na tirmi.

4Bo fala kilis ku tene korson tarpajadu:

“Bo sedu forti; ka bo medi.

Ali bo Deus na bin ku vingansa;

i na bin kastiga bo inimigus, i salba bos.”

5Na ki tempu ujuKap 32.3 di segus na yabridu;

orejaKap 29.18; Mat 11.5; Mar 7.32-37 di surdus na disintupidu.

6MankuMat 15.30; 21.14; Jon 5.8-9; At 3.2-8; 8.7; 14.8-10 na jukuta suma gazela;

linguaKap 32.4; Mat 9.32-33; 12.22 di mudu na kanta,

pabia yaguKap 41.18; Jon 7.38 na rebenta na lala;

rius na lagua na kau ku tene son reia.

7Reia kinti na bida lagua;

fontis di yagu na sai na tera seku.

Kau nunde ku kacur brabu ta ditaba

na tene paja, ku kana di bambu ku tarafi.

8I na ten un strada la na kau altu

ku na comadu Kamiñu di Puresa.

Kil ku ka puruKap 52.1; Apok 21.27 ka na pasa nel.

Kilis ku na yanda nel,

nin si e ka muitu jiru,

e ka na yara.

9Lion ka na ten la;

limarias brabu ka na subi pa la,

nin e ka na ojadu la,

ma kilis ku SIÑOR liberta,

elis ku na yanda la.

10Kilis ku SIÑOR libertaKap 51.11 e na riba,

e bin pa Sion ku kantiga.

Kontentamentu ku ka na kaba na kubri se kabesa.

Gozu ku alegria na yangasa elis;

e ka na torna jimi,

nin e ka na sinti masKap 65.19; Apok 7.17; 21.4 tristesa.