1Mpina bu oreja, SIÑOR, bu kudin,
pabia N sta forontadu, ku falta.
2Guarda ña vida, pabia N dedikadu pa bo.
O ña Deus, salba bu servu ku fiansa na bo.
3Ten pena di mi, o SIÑOR,
pabia N ta comau tudu ora.
4Pui bu servu pa i kontenti, o SIÑOR,
pabia ña orason na subi pa bo.
5SIÑOR, abo i bon, bu sta pruntu pa purda.
Bu riku na bondadiKap 86.15 pa tudu kilis ku comau.
6Sukuta ña orason, SIÑOR,
bu obi ña rogu.
7Na dia di ña foronta N na comau,
pabia bu ta kudin.
8Na metadi di deusis i ka ten utru sumaSai 15.11 bo, SIÑOR;
nin un delis ka fasi tarbaju suma di bo.
9Tudu nasons ku bu kumpu na bin mpinaApok 15.4 bu dianti, SIÑOR,
e na glorifika bu nomi,
10pabia i abo i garandi, bu ta fasi milagris;
abo sonLei 32.39 ki Deus.
11O SIÑOR, nsinan bu kamiñu;
N na yanda na bu bardadi.
Pui un sintidu na ña korson:
pa N rispita bu nomi.
12SIÑOR ña Deus, N na ngabau ku tudu ña korson;
N na glorifika bu nomi pa sempri.
13Bu bondadi pa mi i garandi,
bu libraKap 116.8 ña vida na kau mas fundu di mortu.
14O SIÑOR, jinti orgulyosu lanta kontra mi;
grupu di bandidus misti tiran vida.
Elis e ka ta liga nada ku bo.
15Ma abo, SIÑOR, i Deus ku ta sintiKap 86.5; 103.17; Sai 34.6-7 pena,
ku ta mostra fabur ku pasensa,
ku ten garandi bondadi ku bardadi.
16Vira pa mi, bu ten pena di mi.
Dan forsa, bu salban,
pabia N sedu bu servu, suma ña mame tambi.
17Mostran sinal di bu fabur, SIÑOR,
pa kilis ku ten odiu di mi pudi fika ku borgoña
ora ke oja kuma bu na judan, bu konsolan.
Who We AreWhat We EelieveWhat We Do
2025 by iamachristian.org,Inc All rights reserved.
