Titu 1 - Portuguese Creole Bible, Guinea-Bissau

Kumsada ku manteña

1E karta i di mi, Paulu, servu di Deus, apostoluRom 1.1 di Jesus Kristu, ku mandadu pa juda na fe di kilis ku Deus kuji, pa leba elis pa kunsi bardadi konformi no fe,

2na speransa di vida ku ka ta kaba. Deus, ku ka ta kontaNum 23.19; Rom 16.25 mintida, falaba ja antis di kumsada di tempu, kuma i na danu e vida.

3Na tempu propi i mostra si palabra; i ntregan elAt 9.15 pa N konta, konformi ordi di Deus no Salbadur.

4N na skirbi pa bo, Titu, ku sedu na bardadi ña fiju1 Tim 1.1; 2 Tim 1.2 na fe ku no juntadu nel. N misti pa Deus no Pape ku Kristu Jesus no Salbadur dau faburRom 1.7 ku pas.

Vida di un diriẑenti di igreẑa(1 Tim 3.1-13)

5N fikau na Kreta pa bu pudi pui na ordi kusas ku falta inda, pa bu kuji presbíterusAt 14.23 na kada tabanka. Suma ku N mandau,

6i ten ku sedu algin sin kulpa, omi di un minjer son, ku tene fijus krenti ku ka ta faladu kuma e ten falta di ordi, o e ka ta obi,

7pabia presbiteru ku sedu nkargadu1 Kor 4.1-2 di kasa di Deus i dibi di sedu sin kulpa; i ka dibi di sedu kunfiadu, nin algin ku ta lestu di paña raiba, nin ku ta bibi ciu, nin sutadur, nin ku ta faima pa diñeru.

8I dibi di sedu gasijadur, amigu di kil ki bon, ku sibi guberna si kabesa, justu, puru, ku ten ordi na si vida.

9I ten ku pega na palabra sertu2 Tes 2.15; 2 Tim 1.13; 2.2 di nsinamentu, pa i pudi ten puder pa konsija ku nsinamentu di bardadi, suma tambi pa mostra eru di kilis ku sta kontra el.

10I ten manga delis, rebeldis, ku ta papia palabras amonton pa ngana jinti; purmeru delis i judeus.

11I pirsis tapa elis boka, pabia e ta jagasi sintidu di familias ntidu, ku nsina kusas ke ka dibi di nsina, son ku fin borgoñosu pa ngaña1 Tim 6.5 diñeru.

12Un omi di Kreta ku sedu se diviñadur propiAt 17.28 i fala: “Jinti di Kreta sempri i munturus, brutus mau, wuku prigisosu.”

13E tustumuñu i bardadi. Pabia des, raprindiKap 2.15; 1 Kor 4.21 elis ku forsa, pa e pudi kunsi bardadi, e fia nel.

14Ka e fia na storias2 Tim 4.4 di judeus, nin mandamentus di jinti ku nega bardadi.

15Tudu i puruLuk 11.39-41; Rom 14.14,20,23 pa jinti puru, ma nada i ka puru pa kilis ki susu, kilis ku ka ten fe, ma se ntindimentu ku se konsiensia sta susu.

16E fala kuma e kunsi Deus, ma e ta negalEz 33.31; 2 Tim 3.5 ku kusas ke ta fasi. E sedu disobdienti, susu dianti di Deus; e ka dignu di fasi nin un bon tarbaju.