Sirmonias 5 - Portuguese Creole Bible, Guinea-Bissau

1Ora ku algin comadu pa i bai sedu tustumuña di kil ki oja o di kil ki obi, si i ka konta klaru ke ki sibi, i ta kontra i na peka; i na leba si kulpa.

2Ora ku algin tokaKap 7.21; 11.24-39; Kap 12; 13; 15; Num 19.11-16; Is 52.11; Aẑeu 2.13; 2 Kor 6.17 na un kusa impuru, nin ki sedu kadaver di limaria impuru, di matu o di kasa, o kadaver di limaria impuru ku ta rasta, nin ki sedu un kusa ki ka sibi, i na sedu impuru i kulpadu na mesmu.

3Ora ki toka na kusa impuru di un omi, kualker kusa ku pudi fasil i kontamina, si i ka nota, ma i bin sibil dipus, i na sedu kulpadu.

4Si un algin yabri si boka sin i ka pensa, i jurmentaŜef 11.31; Ekl 5.2-6; Mat 14.7-9; At 23.12 pa fasi mal o pa fasi ben na kualker kusa ku algin pudi jurmenta aserka del, nin si i ka nota, ora ki sibi, i na sedu kulpadu na un de kusas.

5Asin si algin sedu kulpadu na un de kusas, i na konfesaKap 16.21; 26.40; Num 5.7; Jos 7.19-20; Esd 10.11; Sal 32.5; Dit 28.13; Dan 9.4; 1 Jon 1.8-10 ki kusa ki peka nel.

6Pa purdon di ki pekadu ki fasi, i na tisi pa SIÑOR un fiju femia di karnel o di kabra, suma oferta pa pekadu. Saserdoti na fasi sakrifisiu pa el pa si pekadu pudi purdadu.

7Si i ka ten manera di ranja fiju di karnel, i na tisi pa SIÑOR dus pumbaKap 1.14-17 di matu o dus pumba di kasa pa purdon di ki pekadu ki fasi, un pa oferta pa pekadu, utru pa oferta kemadu.

8I na leba elis pa saserdoti, ku na sakrifika purmeru kil ku sedu oferta pa pekadu. I na tursil garganti, ma i ka na tiral kabesa.

9I na wagaKap 1.5 utru sangi di oferta na ladu di altar, ma kil ku sobra, i na pirmil na pe di altar. Es i sedu oferta pa pekadu.

10Dipus saserdoti na sakrifika ki utru pumba suma oferta kemadu, konformi kustumu. Asin i na fasi sakrifisiu pa pekadu ku ki omi fasi; i na purdadu.

11Si i ka pudi ranja dus pumba di matu nin dus di kasa, i ten ku tisi dus litru di foriña finu suma oferta pa pekadu, pa i pudi purdadu. I ka na darma azeitiKap 2.1; Num 5.15 riba del, nin i ka na pui nsensu, pabia i oferta pa pekadu.

12I na lebal pa saserdoti, ku na inci mon, i tomal paKap 2.2 lembransa, i kemal na altar, riba di ofertas kemadu pa SIÑOR. I oferta pa pekadu.

13Asin saserdoti na fasi sakrifisiu pa el, pa kualker pekadu ki fasi; i na purdadu. Restu di oferta na sedu di saserdoti, suma ki ta fasidu ku oferta di kumida.

Oferta pa kulpa

14SIÑOR fala Moisés:

15“Ora ku algin kebra lei, sin i ka sibi, i peka na kusas sagradu di SIÑOR, i na tisi pa SIÑOR suma oferta un karnel macuKap 6.6-7; Esd 10.19 di koral, sin difeitu, ku tene si pres sertu na siklus di prata, konformi siklu ta pesadu na kau sagradu. Es i sedu oferta pa kulpa.

16Asin i na paga kil ki ka pagaba pa si dever na kusas sagradu; inda i na buri mas kintuKap 6.5-6; 22.14; 27.13-15,31; Num 5.7; 2 Sam 12.6 parti; i na dal pa saserdoti. Asin saserdoti na sakrifika ki karnel macu suma oferta pa kulpa; si dunu na purdadu si pekadu.

17“Si algin peka, sin i ka sibi,Kap 5.15; 4.2-4 i fasi un kusa ku mandamentus di SIÑOR fala pa ka fasi, i na kulpadu, i na leba si kulpa.

18I ten ku leba pa saserdoti, suma oferta di kulpa, un karnel macu di koral, sin difeitu, konformi balur ku bu pui nel. Saserdoti na fasi sakrifisiu pa el, pa ki mal ki fasi sin i ka sibi; i na purdadu.

19Es i oferta di kulpa, suma ki algin torna kulpadu dianti di SIÑOR.”