Mateus 22 - Portuguese Creole Bible, Guinea-Bissau

Komparason di kasamenti(Luk 14.16-24)

1Mas un bias Jesus da un komparason, i fala:

2“Renu di seu i asin: Un rei fasi festa di kasamentiApok 19.7-9 di si fiju.

3I manda si kriadus pa e coma jinti ki kumbidaba ja pa festa, ma e ka misti bin.

4I torna manda utru kriadus ku ordi di bai fala kumbidadus: ‘N tene ja ña sia purparadu, ña turus ku utru limarias ku N kria pa e festa e matadu ja. Tudu sta ja pruntu. Bo binDit 9.2-3 pa festa di kasamenti.’

5Ma elis e ka intresa. Utru bai pa si lugar, utru pa si nogos.

6Utrus paña kriadus, e maltrataKap 21.35 elis, e mata elis.

7Rei obi e noba, i paña raiba; i manda si tropas pa e kaba ku ki mataduris, pa kema se prasa.

8Dipus i fala si kriadus: ‘Na bardadi festa di kasamenti sta purparadu, ma kumbidadus e ka mersiAt 13.46 toma parti.

9Bo bai pa tudu kamiñu, bo kumbida tudu kilis ku bo oja pa festa.’

10Kriadus sai pa kamiñus, e junta tudu kilis ke pudiba oja, jinti mau ku bon, tok sala di festa inci kumbidadus.

11“Oca rei yentra pa jubi kumbidadus, i oja un omi ku ka bisti ropa2 Kor 5.2-3; Ef 4.23-24; Kol 3.9-10,12; Apok 3.4 di kasamenti.

12I puntal: ‘Amigu, kuma ku bu yentra li sin bu ka bisti ropa di kasamenti?’ Omi kala boka.

13Rei fala si kriadus: ‘Bo maral pe ku mon, bo lebal, bo botalKap 8.12; 25.30 fora na sukuru, nunde ku utru jinti na cora, e na ñeme dinti.’

14Manga delis comadu, ma pukus ku kujidu.”

Mpustu(Mar 12.13-17; Luk 20.20-26)

15Utru fariseus fasi un runion, e ruma entri elis kuma ke pudi paña Jesus na si propi palabra.

16E manda se disipulus juntu ku utrus di partiduMar 3.6 di Erodis. E bai fala Jesus: “Mestre, no sibi kuma bu ta konta bardadi, bu ta nsina kamiñu di Deus konformi bardadi. Bu ka ta bariJud 16 ningin paja, nin bu ka ta jubi pa rostu di ningin.

17Danu bu opinion. Konformi no lei, no dibi di paga mpustu pa rei garandi o nau?”

18Jesus ntindiKap 9.4 se finjimentu, i fala elis: “Finjidus! Pa ke ku bo na buska pañan?

19Bo mostran un mueda di mpustu.” E dal un mueda.

20I punta elis: “E rostu ku letra i di kin?”

21E falal: “I di rei garandi.” I fala elis: “Bo da rei kilKap 17.24-27; Rom 13.6-7 ki di rei; bo da Deus kil ki di Deus.”

22Oca ke obi ki palabra, e fika dimiradu, e disal, e bai.

Saduseus ku resureison di mortu(Mar 12.18-27; Luk 20.27-40)

23Na mesmu dia un grupu di saduseusAt 23.8; 1 Kor 15.12; 2 Tim 2.18 bai pa Jesus, kilis ku ta fala kuma lanta di mortu ka ten. E fasil un purgunta,

24e falal: “Mestre, Moisés fala kuma, si algin kasa minjer, i muri sin i tene fiju ku el, si ermonLei 25.5-6 ta kasa ku ki viuva, pa e padi fiju ku na kontadu suma fiju di kil ku muri.

25Agora i tenba na no metadi seti ermon. Purmeru kasa, i muri, i ka teneba nin un fiju, i disa minjer pa si ermon.

26Mesmu manera ku sugundu ermon, ku terseru; e bai te di seti.

27Dipus ke muri tudu, minjer tambi muri.

28Na dia di resureison gora, ki minjer, kal di ki seti ermon ku na sedu si omi, suma elis tudu e kasal?”

29Jesus ruspundi elis: “Bo sta nganadu. Bo ka kunsi SkrituraJon 20.9 nin puder di Deus.

30Ora ke lanta diJon 5.29; 11.24-25; 14.3; 17.24; 1 Kor 15.47-52; 1 Tes 4.14-17; Apok 20.4-6 mortu, omi ku minjer ka na kasa, ma e na sedu suma anjus di Deus na seu.

31Kusa di resureison di mortus, bo ka lei kil ku Deus fala bos kuma:

32‘Ami iSai 3.6,16; At 7.32 Deus di Abraon, Deus di Isak, Deus di Jakó’? Ma Deus i ka Deus di mortus, i Deus di bibus.”

33Jinti obi ki palabra, e fika dimiraduKap 7.28 ku si nsinamentu.

Mandamentu mas garandi(Mar 12.28-34; Luk 10.25-27)

34Fariseus obi manera ki disa saduseus sin rasposta. E junta, e fasi runion.

35Un delis, dutur di lei, i spurmenta Jesus ku e purgunta:

36“Mestre, kal ki mandamentu mas garandi di lei?”

37Jesus falal: “‘Ama Siñor bu DeusLei 6.5 ku tudu bu korson, tudu bu alma, ku tudu bu ntindimentu.’

38Es ki garandi mandamentu, el ki purmeru di tudu.

39Sugundu i parsil; i es: ‘Ama bu kumpañerKap 19.19; Sir 19.18; Jon 13.34-35 suma bo propi.’

40E dus mandamentus, tudu lei ku nsinamentu di anunsiaduris pindra nelis.”

Kristu, Fiju di Davi(Mar 12.35-37; Luk 20.41-44)

41Manera ku fariseus staba juntu, Jesus punta elis:

42“Ke ku bo pensa di Kristu? I fiju di kin?” E falal: “Di Davi.”

43Jesus punta elis: “Nta kuma ku Davi, na puder di Spiritu2 Sam 23.2 di Deus, i comal ‘Siñor’? Pabia i fala:

44‘SiñorSal 110.1; At 2.34-35; Eb 1.13; 10.12-13 fala ña Siñor:

Sinta na ña direita

tok N pui bu inimigus suma tapeti

pa bu diskansa pe nel.’

45Si Davi comal ‘Siñor’, kuma ki pudi sedu si fiju?”

46Ningin ka pudi ruspundilLuk 14.6 nin un palabra. Disna di ki dia pa dianti ningin ka osa puntal mas nada.