2 Reis 17 - Portuguese Creole Bible, Guinea-Bissau

Oseias, ultimu rei di Israel

1Na anu 12 di renansa di Akaz, rei di Judá, Oseias,Kap 15.30 fiju di Elá, kumsa rena na Israel, ku si moransa na Samaria; i rena novi anu.

2I fasi mal dianti di SIÑOR, ma i ka suma utru reisKap 3.2 di Israel ku rena antis del.

3Salmaneser, rei di Asiria,Kap 15.19-20; 16.7-8; 18.9-16; 19.36-37 bai pa geria ku el; Oseias fika bas del, i fika i na pagal mpustu.

4Ma rei di Asiria diskubri kuma Oseias mistiba lanta kontra el, pabia i mandaba jinti pa So, rei diKap 18.21; Ez 17.15 Ejitu; tambi i paraba paga ki mpustu ki kustumaba paga na mon di rei di Asiria kada anu. Asin, Salmaneser pañal, i fical na kalabus.

5Dipus i yentra na tudu tera di Israel, i bai te na Samaria, i tajal tris anu.

6Na nonu anu di renansa di Oseias, rei di Asiria tomaKap 18.10-12; 1 Kron 5.26; Os 13.16; Am 4.1-3; Mik 1.6-9 Samaria, i leba pobu di Israel pa Asiria, i pui pa e mora na Ala, ku Gozan, lungu di riu Abor; i pui utrus na prasas di Media.

Kusas ku pui israelitas pa e tiradu na se tera

7E kusa sedu pabia fijus di Israel peka kontra SIÑOR se Deus, kil ku tira elis na teraSir 22.33 di Ejitu, bas di mon di Faraó, rei di Ejitu. E bai na adora utru deusis,

8e yanda na kustumusKap 16.3,10; Sir 18.3,27-30; 1 Re 12.28; 16.31-32; 21.26; Mik 6.16 di rasas ku SIÑOR tiraba fora di tera oca ku fijus di Israel na yentraba; e yanda tambi na kustumus ku reis di Israel kumsaba.

9E fasi kusas sukundiduLei 13.6; 27.15 kontra SIÑOR se Deus, kusas ku ka seduba diritu. E ranja kaus altu na tudu se prasas, desdi tori di bisia te na prasa fortifikadu.

10E lantanda statuas ku idulusSai 20.4; Lei 16.21 di Aserá na tudu montis altu, suma bas di tudu arvuri garandi.

11E kema nsensu1 Re 13.1 na tudu kau altu, suma ku ki rasas ta fasiba ku SIÑOR tira fora di ki tera pa disa Israel yentra la. E fasi kusas fiu dimas, ku lantanda raiba di SIÑOR.

12SIÑOR falaba pa ka e adoraSai 34.14; Sir 26.1 idulus, ma e bai na adora elis.

13SIÑOR avisaLei 4.25-26; 1 Sam 12.7-15; Is 1.16-20; Os 14.1-2 Israel ku Judá na boka di tudu si anunsiaduris ku videntis, i fala: “Bo konverti di bo mau kamiñus, bo obdisi ña mandamentus ku ordis, konformi tudu lei ku N manda bo papes, ku N ntrega bos na mon di ña servus anunsiaduris.”

14Ma e ka seta obi, e ntemaLei 31.27; Dit 29.1 suma ku se papes fasiba ku ka fiaba na SIÑOR se Deus.

15E nega si ordis, ku kontratuSai 24.7-8 ki fasi ku se papes, ku avisus ki da elis. E adora idulus ku ka bali, tok elis propi e ka bin bali. E sigi kustumus di utru nasons na se roda, kontudu SIÑOR falaba elis pa ka fasi kusas suma kila.

16E disa tudu mandamentus di SIÑOR se Deus, e kumpu imaẑens di dus bakasiñu1 Re 12.28 di metal, e fasi un idulu di Aserá, e mborka dianti di tudu strelas di seu, e adora Baal.

17E sakrifikaSir 18.21 se fijus, macu ku femia, na fugu. E ta fiaba na botaduris di sorti ku pauterus. E ntrega se kurpu pa fasi mal dianti di SIÑOR, pa lantanda si raiba.

18Asin SIÑOR paña raiba ciu kontra Israel, i tira elis na si pursensa. Jorson di Judá son ku fika,

19ma elis tambi e ka obdisi mandamentus di SIÑOR se Deus; e yandaba na kustumusKap 16.3 ku Israel kumsaba.

20Asin SIÑOR bin nega tudu fijus di Israel, i kastiga elis, i ntrega elis na mon di jinti ku roba elis tudu kusas ke teneba; dipus i tira elis na si pursensa.

21Oca ki tira Israel na mon di rei di jorson1 Re 12.19-20,26-33 di Davi, e pui Jeroboan, fiju di Nebat, pa i sedu rei. Jeroboan separa Israel ku Judá, pa e ka sigi SIÑOR; i pui elis pa e fasi un pekadu garandi.

22Asin fijus di Israel fika e na yanda na tudu pekadus ku Jeroboan fasiba; nunka e ka larga elis,

23tok SIÑOR tira elis na si pursensa, suma ki avisa elis ba na boka di si servus anunsiaduris. Israelitas tiradu na se tera, e lebadu pa Asiria; e sta la te aos.

Samaritanus

24Rei di Asiria tisi jinti diEsd 4.2-10 Babel, Kuta, Ava, Amat ku Sefarvain, i pui elis pa e mora na prasas di Samaria na lugar di fijus di Israel. Asin e toma Samaria suma se tera, e mora la na prasas.

25Oca ke kumsa mora la, e ka adora SIÑOR. SIÑOR manda lions na se metadi ku mata utru delis.

26Jinti fala rei di Asiria: “Ki jinti ku bu leba, bu pui pa e mora na prasas di Samaria, e ka kunsi kustumus di Deus di ki tera. Asin i manda lions na se metadi ku na mata elis, pabia e ka sibi manera di adora Deus di ki tera.”

27Rei di Asiria manda fala: “Bo leba un di saserdotis ku bo tira di la pa i pudi bai fika la; i ta nsina elis kustumus di Deus di ki tera.”

28Asin, un di saserdotis ku tiraduba na Samaria i riba i bai mora na Betel, i nsina jinti manera ke dibi di adora SIÑOR.

29Ma kada grupu nasional fasi se propiSal 115.4-8; Is 44.9-10; Jer 10.3-5; Mik 4.5 deusis, e pui elis na balobas ku jinti di Samaria kumpuba na kaus altu. Kada grupu fasi si deusis na prasas nunde ke moraba.

30Jinti di Babel kumpu idulus di Sukot-Benot; jinti di Kuta kumpu Nergal; kilis di Amat kumpu Asima;

31aveus kumpu Nibaz ku Tartak; sefarvitas ta kemaba se fijus na fugu pa se deusis Adramelek ku Anamelek.

32Asin e ta fasiba kultus pa SIÑOR, ma tambi e kuji kualker algin pa i sedu saserdoti pa sirbi na balobas di kaus altu.

33E ta adoraba SIÑOR, e ta adoraba se propi deusisMat 6.24 tambi, konformi kustumus di rasas ke tiraduba na se metadi.

34Te aos e ta fasi konformi se kustumus antigu. E ka ta rispita SIÑOR, manera ke ka ta fasi konformi kustumus, ordis, leis ku mandamentusMat 7.21; Jon 14.23 ku SIÑOR da fijus di Jakó, ku dadu nomi di Israel.

35Oca ku SIÑOR fasiba kontratu ku pobu di Israel, i da elis ordi, i fala: “Ka bo adora utru deusis, nin ka bo mpinaSai 20.4-5 se dianti; ka bo sirbi elis nin ka bo sakrifika pa elis,

36ma bo na adoran, ami, SIÑOR, kil ku distindi mon N tira bos na tera di Ejitu ku garandi forsa; ami ku bo na mpina si dianti, bo na sakrifika pa mi.

37Bo na pui sintidu pa obdisi sempri ki kustumus, ordis, lei ku mandamentus ku N skirbi pa bos. Ka bo adora utru deusis,

38nin ka bo diskisi di kontratu ku N fasi ku bos. Ka bo adora utru deusis,

39ma bo adoran, ami, SIÑOR bo Deus. Asin, N ta kaplinti bos na mon di tudu bo inimigus.”

40Ma e ka seta obi; e fasi konformi se kustumus antigu.

41Asin ki jinti ta adoraba SIÑOR, ma e ta adoraba se idulus tambi; se fijus ku netus kontinua fasi mesmu kusas te aos.