Esdras 7 - Portuguese Creole Bible, Guinea-Bissau

Artaserksis manda Esdras pa Jerusalen

1Dipus di manga di anu, na tempu ku Artaserksis seduba rei di Persia, i tenba un omi comadu Esdras,Ne 8 fiju di Seraias, fiju di Azarias,2 Re 25.18 fiju di Ilkias,2 Re 22.4

2fiju di Salun, fiju di Zadok,2 Sam 15.24 fiju di Aitub,

3fiju di Amarias, fiju di Azarias, fiju di Meraiot,

4fiju di Zeraias, fiju di Uzi, fiju di Buki,

5fiju di Abisua, fiju di Fineias, fijuJos 24.33 di Eleazar, fiju di Aron, ŝef di saserdotis.

6Esdras seduba pursor ku kunsiba lei diritu, ki lei ku SIÑOR Deus di Israel daba Moisés. Mon di SIÑOR si Deus staba riba del; asin rei dal tudu ki pidil. Esdras sai na Babilonia,

7i bai Jerusalen, juntu ku utru fijus di Israel, ku saserdotis, levitas, kantaduris, porterus ku serventis di templu, na setimu anu di renansa di Artaserksis.

8I ciga na Jerusalen na kintu mis di ki setimu anu di rei.

9Si bias di Babilonia kumsa na dia 1 di purmeru mis; i ciga na Jerusalen na dia 1 di kintu mis, pabia bondadi ku puder di si Deus staba riba del.

10Esdras purparaba1 Sam 7.3; 1 Kron 29.18 ja si korson pa buska lei di SIÑOR, pa obdisil, pa nsina si ordis ku kustumus na Israel.

Karta di rei Artaserksis

11Es i kopia di karta ku rei Artaserksis daba saserdoti Esdras, ki pursor di palabras ku mandamentus di SIÑOR, ku si regras pa Israel:

12“Artaserksis, rei ribaEz 26.7; Dan 2.37,47; 1 Tim 6.15; Apok 17.14; 19.16 di reis, pa saserdoti Esdras, pursor di lei di Deus di seu: N mandau manteña di pas.

13“N na da ordi kuma, kualker di pobu di Israel ku sta na ña renu, ku kualker di se saserdotis ku levitas ku misti bai ku bo pa Jerusalen, e pudi bai.

14Ami ku ña seti konsijadurEst 1.14 no na mandau pa bu jubi kuma ku kusas na bai na Judá ku Jerusalen, si jinti na yanda konformi lei di bu Deus ku bu nkargadu.

15Bu na mandadu tambi pa leba prata ku uru ku ami ku ña konsijaduris misti da Deus di Israel ku tene kasa na Jerusalen.

16Bu na leba tambi tudu prata ku uru ku bu risibi na tudu pruvinsia di Babilonia, ku ofertas ku utru jinti di Israel ku se saserdotis misti da pa kasaKap 1.4-6 di se Deus na Jerusalen.

17Ku e diñeru bu na kumpra turus, karnelis macu, fijus di karnel, ku se ofertas di kumida ku bibida, bu na sakrifika elis na altar di kasa di bo Deus ku sta na Jerusalen.

18Prata ku uru ku sobra, abo ku bu ermons bo pudi usal na manera ku bo oja kuma i bon, konformi vontadi di bo Deus.

19Pursenta dianti di Deus di Jerusalen ki vasusKap 8.27-30 ku bu ntregadu pa sirvis di kasa di bu Deus.

20Si bu ten ku ranja utru kusa ku pirsisadu pa kasa di bu Deus, i pudi pagadu ku finansas di rei.

21“Ami, rei Artaserksis, N na da ordi pa tudu tisorerus di Trans-Eufrates kuma, kualker kusa ku saserdoti Esdras, pursor di lei di Deus di seu, pidi bos, bo ta lanta bo dal,

22te na limiti di 3,4 tonolada di prata, 600 busa di trigu, 2.000 litru di biñu ku 2.000 litru di azeiti, ku sal sin limiti.

23Tudu kusa ku Deus di seu pidi, i ten ku fasidu tudu pa si kasa, pa Deus di seu ka bin ten garandi raiba kontra tera di rei ku si fijus.

24Tambi no na konta bos aserka di tudu saserdotis ku levitas, kantaduris, porterus, serventis di templu, ku kualker utru algin ku ta sirbi na ki kasa di Deus, kuma e ka pudi kobradu nin taŝa nin mpustu nin renda.

25“Abo, Esdras, konformi jiresa ku bu Deus dau, bu ta kuji administraduris ku juisisSai 18.21-25 ku na guberna tudu pobu di Trans-Eufrates ku kunsi leis di bu Deus. Kilis ku ka kunsi ki leis, bu ta nsinaSir 10.11; 2 Kron 19.7-9 elis.

26Kualker algin ku ka obdisi lei di bu Deus ku lei di rei i ten ku julgadu sin tarda; o i na matadu, o i na tiradu na tera, o i na tiradu si kusas, o i na bai kalabus.”

Esdras ngaba Deus

27No ngaba SIÑOR Deus di no papes, ku pui na korson di rei pa i judanu faja kasa di SIÑOR na Jerusalen.

28Tambi i mostra fabur manera ki pui rei ku si konsijaduris, ku tudu si ŝefis di otridadi, pa e sta pruntu pa judan. Asin, ku mon di SIÑOR riba di mi, N mara koraẑen, N junta utru ŝefis di Israel pa e bai ku mi.