2 Kronikas 23 - Portuguese Creole Bible, Guinea-Bissau

Joás unjidu rei(2 Re 11.4-16)

1Na setimu anu, Jeoiada mara koraẑen, i fasi kontratu ku ŝefis di grupus di sen tropa, ku Azarias, fiju di Jeroan, ku Ismael, fiju di Joanan, ku Azarias, fiju di Obed, ku Maaseias, fiju di Adaias, ku Elisafat, fiju di Zikri.

2Ki omis pasa na tudu Judá, e junta levitas di tudu prasas di Judá, ku ŝefis di familias di Israel; e bin pa Jerusalen.

3Tudu kilis ku junta, e fasi kontratu ku rei na kasa di Deus.

Jeoiada fala elis: “Ali fiju di rei! I na bin rena suma ku SIÑOR fala aserka di jorson di renu,Sai 31.18; Lei 17.18-20; 1 Sam 10.24-25 e diklaral rei, e unjil, e fala: “Viva Rei!”

12Oca ku Atália obi fála di pobu ku na kuri pa da viva pa rei, i bai pa kasa di SIÑOR nunde ku pobu staba nel.

13I jubi, i oja rei sikidu lungu di si kuluna na entrada, ku ŝefis ku tokaduris di korneta pertu del. Tudu jinti kontenti ba; kornetas na tokadu; kantaduris na toka instrumentus di musika, e na diriẑi kantigas pa ngaba Deus. Logu Atália rumpi si ropa, i grita: “Traison!2 Re 9.23 Traison!”

14Saserdoti Jeoiada fala: “Ka bo matal na kasa di SIÑOR.” I coma ŝefis di grupus di tropa pa fora, i fala elis: “Bo pasa ku el na metadi di filas, bo lebal fora. Kin ku bai si tras, bo matal ku spada.”

15E pañal, e lebal te na porton ku kabalus ta yentra pa kasa di rei; e bai matal la.

Kontratu ku Jeoiada fasi(2 Re 11.17-20)

16Jeoiada firmanta kontratu entri el ku pobu ku rei di kuma e na sedu pobu di SIÑOR.

17Dipus, tudu pobu bai yentra na balobaKap 34.4-7; Lei 12.3; 13.5,9; 2 Re 10.25-28 di Baal, e batil, e kebra-kebra si altaris ku si idulus, e mata tambi Matan, saserdoti di Baal, dianti di altaris.

18Jeoiada pui kargu di kasa di SIÑOR na mon di saserdotis, ki levitas ku Davi kuji1 Kron 23.24 pa tarbaja na kasa di SIÑOR, pa pursenta ofertas kemadu pa SIÑOR, suma ki sta skritu na lei di Moisés. I fala elis pa e fasil ku kontentamentuKap 29.25; 1 Kron 25 ku kantiga, konformi ordi di Davi.

19I pui porterus1 Kron 9.17-27; 26.1-19 na portons di kasa di SIÑOR, pa ka ningin yentra la ku staba impuru pa kualker roson.

20Jeoiada toma kapitons di sen, ku garandis, ku gubernaduris di pobu, ku tudu pobu di tera; e leba rei di kasa di SIÑOR, e pasa na porton garandi pa kasa di rei, e bai pui rei pa i sinta na tronu di renansa.

21Tudu pobu di tera fika kontenti; prasa susega dipus de mata Atália ku spada.