1Davi fala na si sintidu: “Kualker dia Saul na bin matan. Minjor kusa ku N pudi fasi i pa N kapli kinti-kinti pa tera di filisteus, pa Saul pirdi speransa, i para buskan na tudu ladu di Israel; asin N ta kapli na si mon.”
2Asin Davi, ku ki seizentus omi ku staba ku el, e lanta e bai pa Akis, rei di Gat, fiju di Maok.
3Davi fika ku Akis na Gat, el ku si omis, kada kin ku si familia. Davi leba tambi si dus minjer,Kap 25.42-43; 30.5; 2 Sam 2.2; 3.2-3; 1 Kron 3.1 Ainoan di Jizreel ku Abigail, viuva di Nabal, di Karmelu.
4Oca Saul kontadu kuma Davi kuri pa Gat, i ka kansa mas ku buskal.
5Davi fala Akis: “Si N oja fabur bu dianti, bu ta dan lugar na un di prasas di bu tera, pa N pudi mora la. Kuma ku bu servu pudi mora ku bo na prasa di rei?”
6Na ki dia Akis dal prasa di Ziklag. Asin ZiklagJos 15.31 pertensi reis di Judá te aos.
7Davi mora na tera di filisteus un anu ku kuatru mis.
8Davi ku si omis ta baiba ataka jinti di Jesur ku jirzitas ku amalekitas, pabia na tempu antigu es i jinti ku moraba na tera na kamiñu ku ta bai pa SurKap 15.7-8; Kum 16.7; 25.18; Sai 15.22 te na tera di Ejitu.
9Si Davi ataka un kau, i ka ta disa nin un omi nin minjer ku vida; i ta tomaba karnel, bakas, burus, kamelus ku ropa; i ta ribaba pa Akis.
10Si Akis puntal: “Nunde ku bo ataka aos?” Davi ta falal: “No bai kontra sul di Judá,” o “Kontra sul diKap 30.29; 1 Kron 2.9,25 jerameelitas,” o “Kontra sul di con diŜef 1.16 keneus.”
11Davi ka ta disaba nin omi nin minjer ku vida, nin i ka leba ningin pa Gat ku pudi konta kuma asin ku ’sin ku Davi fasi. Es i si kustumu tudu ki tempu ki mora na tera di filisteus.
12Akis fiansaba na Davi, i fala na si sintidu: “Sertamenti i torna nujenti pa si pobu na Israel; asin i na sedu ña servu pa sempri.”
Who We AreWhat We EelieveWhat We Do
2025 by iamachristian.org,Inc All rights reserved.
