Ezekiel 45 - Portuguese Creole Bible, Guinea-Bissau

Kau sagradu

1“Ora ku bo na rapati tera pa yardansa, bo na pursenta oferta pa SIÑOR di un parti ku na sedu lugarKap 48.8 sagradu. Kumprimentu na sedu di 12,5 kilometru; largura di 10 kilometru. Tudu ki area na sedu sagradu.

2Di kila i na ten un parti kuadraduKap 42.20 pa templu, di 250 metru kada ladu. Na si roda i na ten un spasu limpu di 25 metru.

3Di ki area sagradu bu na midi 12,5 kilometruKap 48.10 di kumprimentu ku 5 kilometru di largura. La i na ten templu ku kau mas sagradu.

4Es i na sedu parti sagradu di tera. I na sedu pa saserdotis, tarbajaduris di templu ku ta ciga pertu pa sirbi SIÑOR. I na sedu lugar pa se kasas ku lugar sagradu pa templu.

5Levitas, tarbajaduris di kasa di Deus, na tene ki utru parti, ku sedu 12,5 kilometru di kumprimentu ku 5 kilometru di largura, pa e pudi mora la.

6“Lungu di area sagradu, bo na midi 12,5 kilometru di kumprimentu ku 2,5 kilometru di largura ku na pertensi prasa. I na sedu pa tudu pobu di Israel.

Terenu di rei

7“ReiKap 48.21-22 na tene si parti na kada ladu di area sagradu ku area di prasa. I na bai pa kaida di sol tok i ciga na Mar Mediteraneu. I na bai pa saida di sol tok i ciga na frontera. I na tene mesmu kumprimentu ku yardansa di utru jorson.

8E parti di tera di Israel i na sedu di reis. Nunka mas e ka na kalka ña pobu, ma e na disaKap 46.18 restu di tera pa elis, konformi se jorsons.”

Regras pa ŝefis

9Asin ku SIÑOR Deus fala: “Ŝefis di Israel, i justa! Bo para kalka jinti ku violensia; bo fasi kil ki diritu i justu. Bo para roba ña pobu se terenu. Asin ku ami, SIÑOR Deus, N fala.

10“Bo na tene balansu sertuSir 19.35-36 ku midida sertu.

11Efa pa midi kusa seku i ten ku sedu igual ku batu pa midi likidu. Unidadi pa kusa seku ku likidu i omer (ku sedu 175 litru). Un omer i sedu des efa; tambi i sedu des batu.

12Un siklu (ku sedu 11,4 grama) i sedu vintiSai 30.13; Sir 27.25 jera. Sesenta siklu i sedu un mina o un aratel.

Ofertas

13-14“Es i oferta spesial ku bo ten ku da:

Trigu:

1 na kada 60 di bo kebur;

Sevada:

1 na kada 60 di bo kebur;

Azeiti di olivera:

1 na kada 100 di bo kebur.

(Bo midil ku batu; 10 batu i un omer o un kor.)

15“Di kada 200 karnel na tera mas gurdu di Israel, bo ta da un karnel. E kusas na usadu pa ofertas di kumida, ofertas kemadu ku ofertas di pas, pa pekaduSir 1.4 di pobu pudi purdadu. Asin ku ami, SIÑOR Deus, N fala.

16Tudu jinti di Israel na toma parti ne oferta spesial ku na dadu pa rei di Israel.

17Rei ten ku da limarias pa ofertas kemadu, ofertas di kumida ku ofertas di bibida pa festivalis, lua nobu ku dias di diskansu, ku sedu tudu festivalis markadu pa pobu di Israel. I na da ofertas di kumida ku limarias pa ofertas pa pekadu, ofertas kemadu ku ofertas di pas, pa pekadu di pobu di Israel pudi purdadu.”

Festivalis(Sai 12.1-20; Sir 23.33-43)

18Asin ku SIÑOR Deus fala: “Na purmeru dia di purmeru mis, bu na toma fiju di baka sin difeitu pa purifika kau sagradu.

19Saserdoti na toma utru sangi di oferta pa pekadu, i pul na kuadru di porta di templu, na kuatru ponta di fiada diKap 43.20 altar, tambi na kuadru di porton di kintal di dentru.

20Asin tambi ku bu na fasi na setimu dia, pabia di algin ku peka sinSir 4.27 fasi diskarna o pabia i ka sibi. Asin bo na guarda templu sagradu.

21“Na dia 14 di purmeru mis bo na kumsa guarda festival di Paskua. Pa seti dia bo na kume pon sin fermentu.

22Na ki purmeru dia, rei ten ku da un fiju di baka suma oferta pa si pekadu ku pekadu di tudu pobu.

23Kada dia duranti ki seti diaNum 28.24 di festival, rei na da seti fiju di baka ku seti karnel macu, sin difeitu, pa oferta kemadu pa SIÑOR. I na da tambi un kabra macu suma oferta pa pekadu.

24Pa kada fiju di baka ku kada karnel i ten ku da 17,5 litruKap 46.5,7 di foriña ku 3 litru di azeiti.

25“Duranti ki seti dia di festival ku ta kumsa na dia 15 di setimuNum 29.12 mis, i na da ki mesmu ofertas pa pekadu, ofertas kemadu, ofertas di kumida ku azeiti.”