Josué 23 - Portuguese Creole Bible, Guinea-Bissau

Konsiju di Josué

1Manga di tempu pasa disna ku SIÑOR da Israel diskansuKap 11.23 di tudu se inimigus na roda; Josué beju ba ja dimas.

2I coma tudu Israel, se garandis, se ŝefis, se juisis ku se funsionarius, i fala elis: “Ami N beju ja dimas.

3Abos bo oja tudu ku SIÑOR bo Deus fasi tudu e nasons pabia di bos, pabia i SIÑOR bo Deus ku geriaba pa bos.

4Bo oja kuma ku N rapati bos, pa sorti, tera de nasons ku sobra, pa i sedu yardansa di bo jorsons, tudu ku tera di nasons ku N kaba ku el, desdi Jordon te Mar Mediteraneu na kaida di sol.

5SIÑOR bo Deus na pinca elis, i tira foraKap 13.6; Sai 23.31 bo dianti. Abos bo na toma konta di se tera, suma ku SIÑOR bo Deus fala bos.

6“Bo sedu forti, bo pui sintidu pa fasi tudu ku sta skritu na libru di leiLei 5.32 di Moisés, pa bo ka disvia del, nin pa direita nin pa skerda.

7Ka bo junta ku e nasons ku sobra inda na bo metadi; ka bo coma nomisSai 23.13,33; Num 33.52; Ef 5.11-12 di se deusis, nin ka bo jurmenta nelis; ka bo sirbi elis, nin mpina se dianti,

8ma bo pega SIÑOR bo Deus, suma ku bo fasi te aos.

9“SIÑOR tira bo dianti nasons garandi i forti; te aos ningin ka ciga di firmaKap 1.5; Lei 11.23 bo dianti.

10Un omi son na bo metadi na serkaSir 26.8 mil, pabia i SIÑOR bo Deus ku ta geriaSai 14.14 pa bos, suma ki fala bos.

11Asin, bo pui sintidu pa ama SIÑOR bo Deus.

12“Si bo da SIÑORJon 6.66; Eb 10.38-39; 2 Ped 2.20-22 kosta, bo juntaSai 34.12-16 ku restu de nasons ku fika na bo metadi, si bo kasa ku elis, bo fasi sos ku elis,

13bo sibi sertu kuma SIÑOR bo Deus ka na kontinua tira pa fora e nasons bo dianti. Asin e na bin sedu armadiliaNum 33.55; Lei 30.18 ku ridia pa paña bos, ŝikoti pa bo kostas ku fidida pa bo uju, tok bo kaba tudu ne bon tera ku SIÑOR bo Deus da bos.

14“N sta ja na kamiñu1 Re 2.2; Eb 9.27 ku tudu jinti un dia ten ku bai. Bo sibi diritu dentru di bo korson kuma, nin un palabra son ka mainaKap 21.43-45 di tudu ki bon palabras ku SIÑOR bo Deus fala aserka di bos. Tudu purmesa kumpridu; nin un son ka maina.

15Manera ki kumpri tudu ki bon kusas ki fala bos, asin tambi ku SIÑOR bo Deus na kumpri siSir 26.14-43; 2 Kron 36.16-17 ameasas, tok i kaba ku bos ne bon tera ki da bos.

16Si bo kebra ki kontratu ku SIÑOR bo Deus manda bos, bo bin bai pa sirbi utru deusis, bo mpina se dianti, nta raiba di SIÑOR na yardi kontra bos; logu bo na pirdi ne bon tera ki da bos.”