1Fijus di Israel torna fasi mal dianti di uju di SIÑOR. SIÑOR ntrega elis na mon di filisteusJos 13.3 pa korenta anu.
2I tenba un omi comadu Manoá, di tabanka di Zorá,Jos 19.41 di jorson di Dan. Si minjer ka ta padiba; i ka tenebaKum 16.1; 25.21; 1 Sam 1.2-6; Luk 1.7 nin un fiju.
3Anju di SIÑOR bin parsiKap 6.11-12; Luk 1.11,13,28,31 pa ki minjer, i falal: “Abo bu ka ta padi, bu ka tene fiju, ma bu na preña, bu na padiKum 17.16; 2 Re 4.16 un fiju.
4Toma sintidu pa bu ka bibi biñuNum 6.2-6; Luk 1.15 nin utru bibida forti, nin ka bu kume kusa ki kontra leiSir 11.1-23 di Deus,
5pabia bu na preña, bu na bin padi un fiju ku nunka faka ka na pasa na si kabelu. Mininu na sedu nazireu, dedikadu pa Deus desdi bariga di si mame. I na kumsa libra Israel na mon di filisteus.”
6Minjer yentra i konta si omi, i falal: “Un omi di Deus bin pa mi ku parsensa meduñuMat 28.3; Luk 9.29; At 6.15 suma anju di Deus. N ka puntal nunde ki sai, nin el i ka kontan si nomi,
7ma i falan kuma N na preña, N na bin padi un fiju. I falan tambi pa ka N bibi biñu nin bibida forti, nin pa N ka kume kusa ki kontra lei di Deus, pabia mininu na sedu nazireu dedikadu pa Deus desdi ora ki padidu te na si mortu.”
8Manoá papia ku SIÑOR, i falal: “A ña SIÑOR! N pidiu pa bu disa ki omi di Deus ku bu mandaba pa i riba mas pa nos, pa i bin nsinanu kuma ku no na kria ki mininu ku na bin padidu.”
9Deus kudi orason di Manoá; anju di Deus riba mas pa minjer oca ki staba na lugar, ma si omi Manoá ka staba ku el.
10Minjer kuri i bai konta si omi, i falal: “Ali ki omi ku binba pa mi ki dia i torna bin mas.”
11Manoá lanta i bai tras di si minjer, i ciga nunde ki omi, i puntal: “Abo i ki omi ku papiaba ku e minjer?” I falal: “Sin, i ami.”
12Manoá puntal: “Ora ku bu palabra bin kumpri, kal ku na sedu manera di vivi di mininu, ku si tarbaju?”
13Anju di SIÑOR fala Manoá: “Bu minjer ten ku toma sintidu pa fasi tudu kusa ku N falal.
14I ka na kume nada ku sai na pe di uva; i ka na bibi biñu nin bibida forti, nin i ka na kume kusa ki kontra lei. I ten ku fasi tudu kusa ku N mandal.”
15Manoá fala anju di SIÑOR: “Di fabur, bu ta fika inda ku nos, pa no kusñaKum 18.3-5 un fiju di kabra pa bo.”
16Anju di SIÑOR fala Manoá: “Nin ku N fika, N ka na kume bu kumida. Si bu misti fasi oferta, bu ta kemal pa SIÑOR.” (Manoá ka notaba kuma i anju di SIÑOR.)
17Manoá punta anju di SIÑOR: “KumaKum 32.29 ku bu nomi, pa no pudi dau onra ora ku bu palabra bin kumpri?”
18Anju di SIÑOR puntal: “Pabia di ke ku bu na puntan ña nomi? I un nomiIs 9.6 maravilyosu.”
19Manoá toma fiju di kabra, ku oferta di kumida, i kemal riba di un pedraKap 6.19-21 garandi pa SIÑOR. SIÑOR fasi un kusa maravilyosu dianti di Manoá ku si minjer.
20Oca ku fugu na subi di altar pa seu, anju di SIÑOR subi2 Re 2.11 na ki fugu. Manoá ku si minjer e ojal, e mborka ku rostuKum 17.3; Sir 9.24; 1 Re 18.39; 1 Kron 21.16; 2 Kron 7.3; Ez 1.28; Mat 17.6 na con.
21Anju di SIÑOR ka torna parsi mas pa Manoá nin pa si minjer; asin Manoá bin sibi kuma i seduba anju di SIÑOR.
22I fala si minjer: “No na muri, manera ku no oja Deus.”
23Si minjer ruspundil: “Si SIÑOR mistiba matanu, i ka na setaba oferta kemadu na no mon, nin oferta di kumida. Tambi i ka na disanuba pa no oja, nin pa no obi, tudu e kusas ne tempu li.”
24Dipus, minjer padi un fiju, i pul nomi di Sanson.Eb 11.32 Mininu kirsi; SIÑOR bensual.
25Spiritu di SIÑORKap 3.10; Mat 4.1 kumsa na pincal, oca ki staba na kampamentu di Dan, na metadi di ZoráKap 18.11; Jos 19.41 ku Estaol.
Who We AreWhat We EelieveWhat We Do
2025 by iamachristian.org,Inc All rights reserved.