2 Koríntius 6 - Portuguese Creole Bible, Guinea-Bissau

1Anos ku na tarbaja juntu ku1 Kor 3.9 Deus, no na pidi bos ku risibi ja fabur di Deus, pa ka bo tenel na nada.

2DeusIs 49.8 fala:

“Oca tempu ciga pa N mostra bos fabur,

N obi bos.

Na dia di salbason N sakura bos.”

Agora, dia di fabur ciga ja. Aos i dia pa sedu salbu.

3No ka misti pa ningin oja falta na no tarbaju. Asin, no ta libra di pui mbaransuRom 14.13; 1 Kor 9.12 na kamiñu di algin.

4Na tudu ku no ta pasa, no ta mostra kuma no sedu servus di Deus, manera ku no ta sufri ku pasensa na fadiga, na falta, na kasabi.

5NoKap 11.23-27 sutadu, no prindidu; jinti junta na nos; no tarbaja ciu, utru ora ku fomi, ku falta di sonu.

6No mostra pabia di no vida limpu, no ntindimentu, no pasensa, no bondadi, pabia di Spiritu Santu, ku no amor di bardadi,

7ku puder di Deus, ku no manera di konta palabra di bardadi; es tudu i ta mostra kuma no sedu servus di Deus. No tene no vida justu suma no armaEf 6.10-17 pa ataka, tambi pa difindi.

8Rispitu ku disrispitu, ngaba ku fala mal, tudu no ta pudu. No sedu nganaduris ku ta fala bardadi!

9No sedu jinti diskuñisidu ku tudu jinti kunsi; i suma no muri ma inda no bibu; no kastigadu1 Kor 4.9-10 ma no ka matadu;

10no fasidu tristi, ma sempri kontenti; no parsi pobri ma no ta fasi manga di jinti riku; no parsi suma ku no ka tene nada, ma na bardadi no tene tudu.

11Ermons di Korintu, no fala bos klaru; no yabri no korson tudu pa bos.

12I ka anos ku ficaKap 12.15 korson pa bos, ma i abos ku fica bo korson pa nos.

13N na papia ku bos suma ku pape1 Kor 4.14 ta papia ku si fiju. Bo yabri bo korson diritu pa nos, suma no yabri di nos pa bos.

Avisu kontra pekadu di junta ku mundu

14Ka bo ligaLei 7.3; 1 Kor 5.9; 7.39 ku kilis ki ka krenti; e ka pudi fila ku bos. Kuma ku ben ku mal pudi junta? Kuma ku lus ku sukuru pudi sta juntu?

15Kuma ku Kristu ku Belial pudi fila? O kuma ku krenti pudi junta mon ku kil ki ka krenti?

16Kal kontratu ku kasa di Deus pudi ten ku1 Sam 5.2-4 idulu? I anos gora ku sedu kasa1 Kor 3.16 di Deus bibu. El propi i fala:

“N na mora juntu ku elis,

N na yanda na seSir 26.12; Jer 24.7; 30.22; 31.33; Zak 8.8; Apok 21.7 metadi.

N ta sedu se Deus;

elis e ta sedu ña pobu.”

17E ku manda Siñor fala:

“Bo saiIs 52.11 na se metadi; bo separa delis.

Ka bo toka nada impuru;

ami N ta risibi bos,

18N ta seduJer 31.9 bo pape;

bo ta sedu ña fijus macu ku femia.

Asin ku Siñor ku ten tudu puder fala.”