Numerus 25 - Portuguese Creole Bible, Guinea-Bissau

Israelitas peka ku minjeris di Moab

1Oca ku Israel sinta na Sitin, omis kumsa na ten relason seksual ku minjerisKap 31.15-16; 1 Kor 10.8 moabita.

2Ki minjeris kumbida elis pa sirmonias di se deusis.Sir 20.4-5; Jos 23.16; Sal 106.28-29; Os 9.10; Apok 2.14 E kume, e mpina pa ki deusis.

3Asin Israel junta ku jinti di Moab pa adora Baal-Peor.Lei 4.3-4 SIÑOR paña raiba kontra Israel,

4i fala Moisés: “Toma tudu garandis di pobu, bu nforka elis di dia dianti di SIÑOR, pa raiba di SIÑOR para yardi kontra Israel.”

5Moisés fala juisis di Israel: “Kada un di bos i na mata si omisSai 22.20; 32.27-28; 1 Re 18.40 ku junta pa bai adora Baal-Peor.”

6Na ki ora un omi di Israel bin tisi un minjer midianita pa si parentis, na uju di Moisés ku tudu juntamentu di fijus di Israel, oca ke na corabaŜef 2.4; Is 22.12; Ez 9.4-6; Joe 2.17 dianti di tenda di juntamentu.

7Oca Fineias,Sal 106.30-31 fiju di Eleazar, fiju di saserdoti Aron, oja ki kusa, i lanta na metadi di juntamentu, i toma kañaku,

8i bai tras di ki omi di Israel dentru di tenda, i ntranka omi tudu ku minjer ku kañaku na bariga. Asin praga ku atakaba Israel i para.

9Kilis ku muriba na ki praga e seduba 24.000.

10SIÑOR fala Moisés:

11“Fineias, fiju di Eleazar, fiju di saserdoti Aron, i disvia ña raiba ku staba riba di fijus di Israel, pabia el, na se metadi, i mostra mesmu siumiLei 32.16,21; Ez 16.38; 1 Kor 10.22 ku ami N sintiba. E ku manda N ka kaba ku fijus di Israel na ña siumi.

12Asin bu pudi kontal kuma N na dal ña kontratu diMal 2.4-5 pas.

13El ku si jorson e na tene ña kontratu di sedu saserdotis pa sempri,Sai 29.9; 40.15; 1 Sam 2.30; 1 Re 2.27 pabia i tenba siumi pa si Deus, i ranja purdon pa pekadu di fijus di Israel.”

14Nomi di ki israelita ku matadu juntu ku minjer di Midian i sedu Zinri, fiju di Salu, ŝef di un familia simeonita.

15Nomi di minjer midianita ku matadu i sedu Kozbi, fiju di Zur,Kap 31.8; Jos 13.21 ŝef di un grupu di familias midianita.

16SIÑOR fala Moisés:

17“Bo kastigaKap 31.2; Ŝef 6.1 midianitas, bo mata elis,

18pabia e kastiga bos ku ki nganu ke ngana bosKap 31.15-16 na Peor, tambi pabia di se irma Kozbi, fiju di ŝef di midianitas, ku matadu na dia di praga ku bin pabia di Peor.”