Jo 39 - Portuguese Creole Bible, Guinea-Bissau

1“Bu ta sibi ora ku kabras di montiSal 104.18 na padi?

Bu ciga di oja gazelaSal 29.9; Jer 14.5 di matu na padi?

2Bu ta fasi konta di mis ke tene,

o bu sibi tempu ke na padi?

3E ta wuŋi pa padi se fijus;

dipus e ta fika libri di se dur.

4Se fijus ta kirsi la na matu, e bida forti;

e ta bai, e ka ta riba mas pa elis.

5“Kin ku larga buruKap 11.12; 24.5; Jer 2.24; Os 8.9 di monti,

o kin ku dismanca si kordas?

6N dal lala suma kasa,

N disal pa i mora na con salgadu.

7I ta ri baruju di prasa;

i ka ten kin ku na grital pa i yanda.

8Kil ki oja na montis, el ki taKum 1.30 kume;

i ta yanda i na buska paja nobu.

9“Nta turu brabu ta misti sirbiu?

I na fika di noti na kau di bu limarias?

10Bu na maralKap 41.5 ku korda,

bu obrigal pa i labra regua pa bo na bu lugar?

11Bu na fiansa nel pabia si forsa i garandi,

o bu na disa bu tarbaju pisadu na si mon?

12Bu na fia nel pa i tisi pa kasa kil ku bu sumia,

i rukujil na kau di masa?

13“Avestruz ta bati si asas ku kontentamentu,

ma i ka pudi bua suma segoña.

14I ta disa si ovus na con;

e ta kenta na reia;

15i ta diskisi kuma algin pudi masa elis,

o limarias di matu pudi kebra elis.

16I ta trataMis 4.3 si fijus ku duresa,

tok i ka ta parsi kuma i si fijus.

I ka ta mporta si si tarbaju i amonton,

17pabia Deus nega dal jiresa,

nin i ka dal ntindimentu.

18Ma ora ki yalsa si asas pa kuri,

i ta riKap 41.29 kabalu ku kil ku monta nel.

19“Nta i abo ku ta da forsa pa kabalu,

o bu bisti si garganti ku kabelu kumpridu?

20Bu ta pui pa i jukuta suma gamfañoti,

i da folgu meduñu ku ta pantanda jinti?

21I ta garbata con,

i ta kontenti ku si forsa,

i ta bai ku forsa pa gera.

22I ka sibi ke kiKap 41.33 medu;

i ka ta panta,

nin i ka ta riba tras pabia di spada.

23Saku di fleŝas na somna kontra el,

tudu ku kañaku ku faka di feru ku na lampra.

24I ta fika turmentadu, i na bulbuli kurpu,

i na garbata con.

Si i obi toku di korneta,

ningin ka ta pudi tujil bai!

25Kada bias ki obi toku, i ta fala: ‘Avansa!’

Di lunju i ta sinti ceru di gera,

i na obi baruju di ŝefis ku na coma tropas.

26“Nta i bu jiresa ku ta pui falkon pa i bua,

i distindi si asas pa sul?

27Agia ta pera bu ordi pa i subi,

i pui si niñuIs 40.31; Jer 49.16; Ob 4 la riba?

28I ta sinta na pedras garandi, i durmi la;

i ta tene si kau suguru na ponta mas altu.

29Di la i ta buska si kumida;

si uju ta ojal di lunju.

30Si fijus ta cupa sangi;

nunde ku kadaverEz 39.17-18; Mat 24.28 sta,

la ki ta sta nel.”