Salmus 76 - Portuguese Creole Bible, Guinea-Bissau

Salmu, kantiga di Asaf pa ŝef di musika, ku instrumentus di musika.

1Deus i kunsidu na Judá;

si nomi i garandi na Israel.

2Si tenda sta na Salen;

i mora na Sion.

3La ki kebraKap 46.9; Ez 39.9 fleŝas di mansasa,

tajadera, spada, ku utru instrumentus di gera.

Sela

4Bu ten gloria ku puder,

mas di ki montañas ku tene manga di limaria.

5Tropas di koraẑen e robadu se kusas;

e dita e na durmi na se sonu;

nin un di ki soldadus forti ka pudi lantanda si mon.

6O Deus di Jakó, si bu raprindi,

kabalusSai 15.1,21 ku montiaduris ta kai na sonu fundu.

7I abo son ki meduñu;

si bu paña raiba, kin ku pudi firma bu dianti?

8Di seu bu anunsia disison di bu julgamentu;

mundu sinti medu, i keta

9oca ku bu lanta pa julga,

pa libra tudu mansus na mundu.

Sela

10Bu pudi usa te raiba di omi pa pui jinti ngabau;

raiba ku sobra, bu ta maral.

11Bo fasi purmesas, bo kumprilKap 56.12; Ekl 5.1-6 pa SIÑOR bo Deus;

nasons ku sta na roda

pa e tisi pursentis pa kil ke dibi di medi.

12I ta kebra spiritu di ŝefis;

reis di mundu ta ten medu del.