1Dipus SIÑOR fala Moisés
2pa i papia ku fijus di Israel, i fala elis: “Ora ku bo yentra na tera ku N na da bos pa bo mora nel,
3si bo na kema oferta pa SIÑOR, di baka o di karnel, ku ta cera sabi pa SIÑOR, nin siKap 28; 29; Sir 1; 2; 3; 7 i oferta kemadu, o sakrifisiu pa kumpri votu, o oferta ku bo misti da di bo vontadi, o na bo festivalis,
4ki algin ku na pursenta si oferta pa SIÑOR i na da tambi oferta diSir 2.1 kumida, ku sedu 2 litru di foriña finu misturadu ku un litru di azeiti;
5i na da tambi un litru di biñu suma oferta diSir 23.18 bibida, pa kada karnelsiñu ki da suma sakrifisiu o oferta kemadu.
6“Si bu na pursenta karnel macu, bu ta purpara oferta di kumida di 4 litru di foriña finu, misturadu ku 1,3 litru di azeiti.
7Pa oferta di bibida bu na da 1,3 litru di biñu. Ceru de sakrifisius i ta sabi pa SIÑOR.
8“Ora ku bu purpara oferta di turu pikininu pa SIÑOR, suma oferta kemadu o pa kumpri votu, o oferta di pas,
9bu dibi di da juntu ku el oferta di kumida di 6 litru di foriña misturadu ku 2 litru di azeiti.
10Bu na da tambi 2 litru di biñu suma oferta di bibida. Ki oferta kemadu na cera sabi pa SIÑOR.
11Asin ki na fasidu pa kada turu, karnel macu, fiju di karnel o kabra.
12Konformi numeru di limarias ku bo da, asin ku bo na fasi pa kada un.
13“Kada algin ku padidu na Israel dibi di fasi e kusas ora ki na da oferta kemadu ku ta cera sabi pa SIÑOR.
14Un stranjeru ku sedu ospri o ku tarda ku bos o, mas tardi, ku bo fijus, si i na da oferta kemadu ku ta cera sabi pa SIÑOR, i dibi di fasi manera ku bo ta fasi.
15I ten ku ten mesmu lei pa bos di kumunidadi suma tambi pa stranjeruSai 12.48-49; Sir 24.22 ku mora ku bos; i un lei ku na kontinua pa tudu tempu na bo metadi. Suma ku bo sedu, asin ku stranjeru sedu dianti di SIÑOR.
16Mesmu lei ku regra ku N pui pa bos, el tambi ku N pui pa stranjeru ku sta na bo metadi.”
17SIÑOR papia ku Moisés, i falal
18pa i fala fijus di Israel: “Ora ku bo yentra na tera nunde ku N na leba bos,
19si bo kume kumida di ki tera,Jos 5.11-12 bo na da un parti pa SIÑOR suma oferta.
20Di purmeru miju ku bo pila, bo na da ofertaSai 22.29 pa SIÑOR. Tambi purmeru pon ku bo kumpu di foriña di miju nobu, bo na dal pa SIÑOR.
21Na tempu ku na bin, bo fijus na kontinua da oferta pa SIÑOR di purmeru miju ke pila.
Ofertas pa erus22-23“Na ki dia SIÑOR da bos mandamentus na boka di Moisés. Ki ordis ki da i sedu pa tudu tempu. Si bo bin yara, bo ka kumpri tudu ki mandamentus ku SIÑOR da Moisés,
24si ki kusa fasidu kuSir 4 eru, sin kumunidadi ka nota pa el, tudu pobu ten ku da un turu pikininu suma oferta kemadu ku ta cera sabi pa SIÑOR, juntu ku si oferta di kumida ku oferta di bibida konformi regras. E na sakrifika tambi un bodi, pa ki pekadu pudi purdadu.
25Saserdoti na sakrifika ki limarias pa tudu kumunidadi di Israel; se pekadu na purdadu, pabia e ka fasi diskarna, tambi e leba ki oferta kemadu pa SIÑOR, tudu ku ki sakrifisiu pa purdon di pekadu, manera ke yara.
26Tudu pobu di Israel ku stranjerus ku sta na se metadi e na purdadu, pabia ki eru susaba elis tudu.
27“Si i son un algin ku yara, i peka, i ta da un kabra femia di un anu suma sakrifisiu pa pekadu.
28Saserdoti na sakrifika ki limaria pa SIÑOR na konta di ki algin ku yara. Dipus di sakrifisiu fasidu, i na purdadu.
29Ki mesmu lei na sedu pa tudu algin ku yara i peka; i pudi sedu fiju di Israel o stranjeruKap 15.15 ku mora na se metadi.
30“Ma si algin ntemaLei 17.12; 29.19-20; Sal 19.13; Eb 10.26-29; 2 Ped 2.10 i fasi mal, nin ki fiju di Israel o stranjeru, i na tiraduSai 12.15 na metadi di pobu pabia i njuti SIÑOR,
31manera ki dispreza palabra di SIÑOR, i kebraSir 26.15,43 si mandamentu. I na tiradu na metadi di pobu; si pekadu na fika riba di si kabesa.”
Omi ku kebra lei di dia di diskansu32Oca fijus di Israel staba na lala, e oja un omi na junta leña na diaSai 16.23,27-28; 31.13-15; 35.2-3 di diskansu.
33Kilis ku ojal i na junta leña e lebal pa Moisés ku Aron, dianti di tudu juntamentu.
34E pul prezuSir 24.12 pabia i ka staba inda klaru ke ke dibi di fasil.
35SIÑOR fala Moisés: “Ki omi ten ku muri. Tudu juntamentu ten ku dal ku pedras foraSir 24.13-14,23; Jos 7.25; At 7.58; Eb 13.12 di kampamentu.”
36Asin ku pobu junta, e lebal fora di kampamentu, e dal ku pedras tok i muri, konformi ordi ku SIÑOR da Moisés.
Lei aserka di borda di ropa37SIÑOR fala Moisés
38pa i papia ku fijus di Israel, i fala elis: “Bo na fasi borlasLei 22.12 na borda di bo ropa; bo na pui korda azul na borlas. E lei na sedu pa tudu tempu.
39Ki borlas na sta na bo dianti pa, kada bias ku bo oja elis, bo pudi lembraSai 13.9; Lei 6.6-9; Dit 3.1 di mandamentus di SIÑOR, bo obdisi elis, pa bo ka sedu infiel, bo disvia di mi pa bai tras di diseẑu di bo korson ku bo uju.
40Asin bo na lembra di tudu ña mandamentus, bo na obdisi elis; bo na sedu sagraduSir 11.44-45; 19.2; Rom 12.1; 1 Tes 4.7; 1 Ped 1.15-16 pa bo Deus.
41Ami N sedu SIÑOR bo Deus ku tira bos di tera di EjituSir 22.33 pa N pudi sedu bo Deus. Ami i SIÑOR bo Deus.”
Who We AreWhat We EelieveWhat We Do
2025 by iamachristian.org,Inc All rights reserved.
