1Filisteus geria kontra Israel; omis di Israel kuri dianti di filisteus; manga delis muri na montaña di Jilboa.Kap 28.4
2Filisteus pega tesu tras di Saul ku si fijus, e mata Jonatas, Abinadab ku Malkisua, fijus di Saul.
3Gera torna forti kontra Saul; soldadus yangasal ku fleŝa, e molostal risu.
4Saul fala si rapas ku ta lebal feramentus di gera: “Tira bu spada, bu furanŜef 9.54 ku el, pa e jinti insirkunsidadu ka bin furan, e fasi trosa di mi.” Si rapas ka misti, pabia i tenba garandi medu. Asin Saul toma si spada, i kai riba del.
5Oca rapas oja kuma Saul muri, el tambi i kai riba di si spada, i muri juntu ku el.
6Asin Saul ku si tris fiju ku si rapas ku ta lebal feramentus di gera, ku tuduKap 28.19 si omis, e muri tudu na ki dia.
7Oca israelitas ku staba na reẑion di kobon ku di riu Jordon oja kuma tropas di Israel na kuri, e obi kuma Saul ku si fijus muri, e bandona prasas, e kuri; filisteus bin mora la na ki prasas.
8Na utru dia, oca filisteus bin pa bin tira kusas na difuntus, e oja Saul ku si tris fiju ditadu mortu na montaña di Jilboa.
9E korta kabesa di Saul, e tiral armaduras, e manda algin pa tudu ladu di se tera pa konta nobas na baloba di se idulus ku na metadi di pobu.
10E pui feramentus di gera di Saul na baloba di Astarot,Ŝef 2.13 e prega si kurpu na mura di Bet-San.
11Oca jinti di Jabes-JileadKap 11; Ŝef 21.8 obi ke ku filisteus fasi Saul,
12tudu omis di koraẑen lanta, e yanda tudu noti, e bai tira kurpu di Saul ku kurpus di si fijus na mura di Bet-San, e bai pa Jabes, e bai kemaAm 6.10 elis,
13e toma se os, e ntera elis bas di un arvuri2 Sam 2.4-5; 21.12-14 na Jabes, e junjuŋa setiKum 50.10 dia.
Who We AreWhat We EelieveWhat We Do
2025 by iamachristian.org,Inc All rights reserved.
